കുമ്പഴ സോണൽ ഓഫീസ് അടച്ചു പൂട്ടുന്നു എന്ന വ്യാജ പ്രചരണം എൽ ഡി എഫ് നടത്തുന്നത് പരിഹാസ്യം ; ഡിസിസി വൈസ് പ്രസിഡന്റ് അഡ്വ. എ സുരേഷ് കുമാർ
പത്തനംതിട്ട: നഗരസഭയുടെ കുമ്പഴ സോണൽ ഓഫീസ് അടച്ചു പൂട്ടുന്നു എന്ന വ്യാജ പ്രചരണം എൽ ഡി എഫ് നടത്തുന്നത് പരിഹാസ്യമാണെന്ന് ഡി ഡിസിസി വൈസ് പ്രസിഡന്റ് അഡ്വ. എ സുരേഷ് കുമാർ പറഞ്ഞു.ഇല്ലാത്ത കാര്യങ്ങൾ പ്രചരിപ്പിച്ചുകൊണ്ട് സോണൽ ഓഫീസിലേക്ക് എൽ ഡി എഫ് നടത്തിയ മാർച്ചിനെതിരെ കോൺഗ്രസ് കുമ്പഴ മണ്ഡലം കമ്മിറ്റി നടത്തിയ വിശദീകരണ യോഗം ഉത്ഘാടനം ചെയ്യുകയായിരുന്നു അദ്ദേഹം. കുമ്പഴ സോണൽ ഓഫീസിൽ കൂടുതൽ സൗകര്യങ്ങൾ ഏർപ്പെടുത്തുമെന്നു ചെയര്പേഴ്സൻ സിന്ധു അനിൽ പറഞ്ഞിട്ടുണ്ട്. എന്നാൽ ഇത് മറച്ചു വെച്ചാണ് എൽഡിഎഫ് ഇപ്പോൾ വ്യാജ ആരോപണം ഉയർത്തി പ്രചരണം നടത്തുന്നത്. കുമ്പഴ സോണൽ ഓഫീസ് ആദ്യം തുടങ്ങിയത് അഡ്വ ഗീത സുരേഷ് ചെയര്പേഴസണായിരുന്നപ്പോൾ ഉള്ള യുഡിഎഫിന്റെ ഭരണസമിതിയാണ്.എൽ ഡി എഫിന് ഇതിൽ യാതൊരു ക്രെഡിറ്റും അവകാശപ്പെടാനില്ലന്നും സുരേഷ് കുമാർ പറഞ്ഞു.കോൺഗ്രസ് കുമ്പഴ മണ്ഡലം പ്രസിഡൻ്റ് നാസർ തോണ്ട മണ്ണിൽ അദ്ധ്യക്ഷത വഹിച്ചു. നഗരസഭ ചെയർപേഴ്സൺ സിന്ധു അനിൽ, ഡിസിസി ജനറൽ സെക്രട്ടറി അബ്ദുൾ കലാം ആസാദ്, ബ്ലോക്ക് പ്രസിഡൻ്റ് റോജി പോൾ ദാനിയേൽ, നഗരസഭ വൈസ് ചെയർമാൻ എ സഗീർ, ബ്ലോക്ക് വൈസ് പ്രസിഡൻ്റ് പികെ ഇക്ബാൽ, നഗരസഭ കൗൺസിലർമാരായ സജിനി മോഹൻ, അംബിക വേണു, എ ഫാത്തിമ്മ, ജോയമ്മ സൈമൺ, എ ഫറൂഖ് , അഫ്സൽ ആനപ്പാറ, കെപി നൗഷാദ് എന്നിവർ പ്രസംഗിച്ചു. പ്രകടനത്തിന് ഇസ്മയിൽ അറഫാ , റാഫി കുലശേഖരപതി, റെജി മൂലമുറയിൽ, അൻവർ സാദത്ത്, സെബു പത്തനംതിട്ട, അനീഷ് അബ്ബാസ്, അജ്മൽ കരിം എന്നിവർ നേതൃത്വം നൽകി.
kumpazha zonal
