ബസും കാറും കൂട്ടിയിടിച്ചു; അച്ഛനും മകനും പരിക്ക്
ഇലന്തൂർ : ബസും കാറും കൂട്ടിയിടിച്ച് അച്ഛനും മകനും പരിക്കേറ്റു. വടശ്ശേരിക്കര മുളവേലി പള്ളിക്കൽ വീട്ടിൽ സണ്ണി അലക്സ് (64), അഖിൽ (34) എന്നിവർക്കാണ് പരിക്കേറ്റത്. അഖിലിന്റെ തോളിനും കണ്ണിനുമാണ് പരിക്ക്. സണ്ണിക്ക് നിസ്സാര പരിക്കേറ്റു. ഇരുവരെയും കോഴഞ്ചേരിയിലെ സ്വകാര്യാശുപത്രിയിൽ പ്രവേശിപ്പിച്ചു.
ടി.കെ. റോഡിൽ വാര്യാപുരത്തിനും ചിറക്കാലയ്ക്കും ഇടയിലെ എസ് വളവിൽ ആയിരുന്നു അപകടം. കോഴഞ്ചേരിയിൽനിന്ന് പത്തനംതിട്ടയിലേക്ക് പോയ കാറിൽ എതിരേവന്ന ബസ് ഇടിക്കുകയായിരുന്നു. ബസ് വെട്ടിച്ചപ്പോൾ നെല്ലിക്കുന്ന് വീട്ടിൽ മാത്യുവിന്റെ മതിലിലും ഇടിച്ചു. അപകടത്തെ തുടർന്ന് ടി.കെ. റോഡിൽ ഏറെനേരം ഗതാഗതതടസ്സമുണ്ടായി.
accident
