ആലപ്പുഴ: വണ്ടാനം മെഡിക്കൽ കോളേജിനു സമീപം ബൈക്ക് അപകടത്തിൽ യുവാവും യുവതിയും മരിച്ചു. ചേർത്തല കുറുപ്പംകുളങ്ങര കളത്തുപറമ്പ് ബിനുവിന്റെ മകൻ അഖിൽ കൃഷ്ണ (22), മറ്റവന വഴിക്കവല മട്ടമ്മേൽ വെളിയിൽ സുനിൽദാസിന്റെ മകൾ അച്ചു എസ്.ദാസ് (20) എന്നിവരാണ് മരിച്ചത്. വ്യാഴാഴ്ച രാത്രി 12-ഓടെയായിരുന്നു അപകടം.
സുഹൃത്തുക്കളായ ഇരുവരും കായംകുളത്ത് നിന്ന് ചേർത്തലയിലേക്ക് പോകുകയായിരുന്നു. വഴിമധ്യേ ഇവർ സഞ്ചരിച്ചിരുന്ന ബൈക്ക് ലോറിക്കടിയിൽപ്പെട്ടാണ് അപകടം സംഭവിക്കുന്നത്. അച്ചു സംഭവസ്ഥലത്തുവെച്ചുതന്നെ മരിച്ചു. അഖിലിനെ മെഡിക്കൽ കോളേജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. അച്ചുവിന്റെ തലയിലൂടെ ലോറി കയറിയിറങ്ങിയ നിലയിലായിരുന്നു.
accident
