പി. കെ ജേക്കബിനെയും കൂട്ടരേയും കോൺഗ്രസിൽ മെമ്പർഷിപ്പ് നൽകി സ്വീകരിച്ചു
മുൻ നഗരസഭ വൈസ് ചെയർമാനും കേരള കോൺഗ്രസ് മാണി ഗ്രൂപ്പ് ജില്ലാ ജനറൽ സെക്രട്ടറിയുമായിരുന്ന പി.കെ ജേക്കബ് കോൺഗ്രസ് പാർട്ടിയിൽ ചേർന്നു.
ഞായറാഴ്ച വൈകിട്ടാണ് ഡിസിസി ഓഫീസിൽ വച്ച് പി കെ ജേക്കബും നൂറോളം പ്രവർത്തകരും കോൺഗ്രസ് അംഗത്വം സ്വീകരിച്ചത്. കോൺഗ്രസിലെ മുതിർന്ന നേതാവ് പ്രൊഫസർ. പി.ജെ.കുര്യൻ സമ്മേളനം ഉൽഘാടനം ചെയ്തു .ഡി സി സി പ്രസിഡൻറ് പ്രൊഫസർ .സതീഷ് കൊച്ചുപറമ്പിൽ ചടങ്ങിൽ അധ്യക്ഷത വഹിച്ചു .മെമ്പർഷിപ്പ് വിതരണ ഉൽഘാടനം ശ്രീ. ആന്റോ ആന്റണി എം.പി നിർവഹിച്ചു . ചടങ്ങിൽ കോൺഗ്രസിലെ പ്രമുഖ വ്യക്തികൾ പങ്കെടുത്തു. പഠനകാലം മുതൽ കേരള കോൺഗ്രസ് വിദ്യാർത്ഥി സംഘടനയിലും പിന്നീട് കേരള കോൺഗ്രസിൻറെ ജില്ലാ സംസ്ഥാന പദവികളും വഹിച്ച ആളാണ് പി .കെ ജേക്കബ് .കെ.എം മാണിയുടെ ഏറ്റവും അടുത്ത ആളായിരുന്നു. മാണിയുടെ മരണശേഷം പാർട്ടിയിലെ നടപടിക്രമങ്ങളിൽ വിയോജിപ്പ് പ്രകടിപ്പിക്കുകയും തുടർന്ന് രാജിവെക്കുകയുമായിരുന്നു .പിന്നീട് അനുനയ ശ്രമങ്ങൾക്ക് ശേഷം വീണ്ടും ജോസ് കെ മാണിയുമായി ചേർന്ന് പോയെങ്കിലും നിലവിലെ പാർട്ടിയുടെ നിലപാടിൽ പ്രതിഷേധിച്ച് കഴിഞ്ഞ ആഴ്ച കേരള കോൺഗ്രസ് മാണി ഗ്രൂപ്പിൽ നിന്ന് രാജിവക്കുകയായിരുന്നു.
p.k jacob
