ഓട പണിഞ്ഞുകഴിയുമ്പോൾ മേൽമൂടികൂടി ഇടണമെന്ന് അറിയാത്തവരാണോ പണിയുന്നവരും പണിക്ക് നേതൃത്വം നൽകുന്നവരും
അടൂർ : അടൂർ നഗരസഭയ്ക്ക് എതിർവശം അടൂർ പോലീസ് സ്റ്റേഷനിലേക്ക് തിരിയുന്ന ഭാഗത്തെ ഓട. ഇവിടെ മേൽമുടിയില്ലാത്ത അവസ്ഥയിലാണ്. ഓട നിർമിച്ചിട്ട് വർഷങ്ങളാകുന്നു. ഈ ഓടകാരണം വലിയ അപകട ഭീഷണിയാണ് ഉയർത്തുന്നത്. വൺവേ ആയതിനാൽ മിക്കവാഹനങ്ങളും മറ്റു വാഹനങ്ങളെ ഇടതുവലതു വശങ്ങളിലൂടെ മറികടക്കാൻ ശ്രമിക്കുന്നത് സാധാരണയാണ്. ഈ സമയം ഓടയോട് ചേർന്നാണ് ചിലവാഹനങ്ങൾ കടന്നുപോകുന്നത്. പലതവണ ഈ ഓടയിൽ വാഹനങ്ങൾ വീണിട്ടുണ്ട്. ഭാഗ്യംകൊണ്ട് മാത്രമാണ് യാത്രക്കാർ പരിക്കേൽക്കാതെ രക്ഷപ്പെടുന്നത്. കൂടാതെ ഓടയ്ക്കു സമീപത്തുകൂടെ നടന്നുപോകുന്ന കാൽനടയാത്രക്കാർ ശ്രദ്ധിച്ചുപോയില്ലെങ്കിൽ ഓടയിലേക്ക് വീഴുന്ന അവസ്ഥയാണ്. വാഹനങ്ങളിൽ വരുന്ന പരിചയമില്ലാത്തവർ നഗരസഭയ്ക്കു മുമ്പിലെത്തുമ്പോൾ പെട്ടെന്ന് റവന്യൂ ടവർ, പോലീസ് സ്റ്റേഷൻ ഭാഗത്തേക്ക് തിരിയാൻ ശ്രമിച്ചാൽ വാഹനത്തിന്റെ ഏതെങ്കിലും ഒരുചക്രം ഓടയിൽ വീഴും. ഓട നിർമിക്കുമ്പോഴേ മേൽമൂടി ഇടണം എന്ന വ്യവസ്ഥ പാലിക്കാത്തതാണ് ഇതിനൊക്കെ കാരണം.
adoor
