സീതത്തോട്-ചിറ്റാർ പാതയിൽ ഓടിക്കൊണ്ടിരുന്ന ബൈക്കിന് മുകളിലേക്ക് മരംവീണ് യുവാവിന് പരിക്ക്
സീതത്തോട് : സീതത്തോട്-ചിറ്റാർ പാതയിൽ മൂന്നുകല്ലിൽ ഓടിക്കൊണ്ടിരുന്ന ബൈക്കിന് മുകളിലേക്ക് മരംവീണു. ബൈക്ക് ഓടിച്ചിരുന്ന കൊച്ചുകോയിക്കൽ സ്വദേശി ഷാജിക്ക് പരിക്കേറ്റു. മരം വീഴുന്നതിനിടെ വൈദ്യുതി കേബിൾ തട്ടി യുവാവിന്റെ കഴുത്തിനാണ് പരിക്കേറ്റത്. രാവിലെ 10.30-ഓടെയാണ് അപകടം. യുവാവിനെ സീതത്തോട് സർക്കാർ ആശുപത്രിയിലും തുടർന്ന് റാന്നി താലൂക്ക് ആശുപത്രിയിലും പ്രവേശിപ്പിച്ചു. ബൈക്കിനും സാരമായ കേടുപാടുണ്ടായി.
കൂറ്റൻ മരത്തിനടിയിൽ പെട്ടുപോയ യുവാവിനെ നാട്ടുകാരാണ് മരച്ചില്ലകൾക്കിടയിൽനിന്ന് പുറത്തെടുത്ത് ആശുപത്രിയിലേക്ക് കൊണ്ടുപോയത്. മരംവീണതിനെ തുടർന്ന് സീതത്തോട്-ചിറ്റാർ റോഡിൽ ഒരു മണിക്കൂറിലധികം ഗതാഗതം തടസ്സപ്പെട്ടു. സീതത്തോട് അഗ്നിരക്ഷാനിലയത്തിൽനിന്ന് സംഘമെത്തി മരം മുറിച്ചുനീക്കി ഗതാഗതം പുനഃസ്ഥാപിച്ചു.ഓടിക്കൊണ്ടിരുന്ന ബൈക്കിന് മുകളിലേക്ക് മരംവീണ് യുവാവിന് പരിക്ക്
seethathod
