രണ്ടാം പിണറായി സർക്കാരിന്റെ ഭരണനേട്ടങ്ങൾ അക്കമിട്ടു നിരത്തി മുഖ്യമന്ത്രി പിണറായി വിജയൻ. കണ്ണൂരിൽ നടന്ന വാർത്താസമ്മേളനത്തിൽ സർക്കാരിന്റെ പ്രോഗ്രസ് കാർഡ് അദ്ദേഹം പുറത്തിറക്കി. പ്രകടന പത്രികയിലെ 900 വാഗ്ദാനങ്ങളിൽ 97 ശതമാനവും സർക്കാർ നടപ്പിലാക്കിയെന്ന് മുഖ്യമന്ത്രി അവകാശപ്പെട്ടു.
ജനങ്ങൾക്ക് നൽകിയ ഉറപ്പുകൾ പാലിക്കുന്നത് സർക്കാരിന്റെ ഉത്തരവാദിത്തമാണെന്ന് അദ്ദേഹം പറഞ്ഞു.
പ്രോഗ്രസ് കാർഡിലെ പ്രധാന നേട്ടങ്ങൾ ഇവയാണ്:
- ഭവനരഹിതർക്ക് ആശ്വാസം: ലൈഫ് മിഷൻ പദ്ധതിയിലൂടെ അഞ്ച് ലക്ഷം വീടുകൾ പൂർത്തിയാക്കി.നാലര ലക്ഷം കുടുംബങ്ങൾക്ക് പട്ടയം വിതരണം ചെയ്തു.
- തൊഴിൽരംഗം: പി.എസ്.സി വഴി 3,13,202 നിയമനങ്ങൾ നടത്തി. കൂടാതെ 2,66,000 പുതിയ തൊഴിലവസരങ്ങൾ സൃഷ്ടിച്ചു.
- സ്ത്രീശാക്തീകരണം: 16 ലക്ഷത്തിലധികം സ്ത്രീകൾക്ക് സാമ്പത്തിക സഹായം നൽകി.
- ഭരണനിർവ്വഹണം: സർക്കാർ സേവനങ്ങൾ ലളിതമാക്കി. കെട്ടിക്കിടന്ന 82 ലക്ഷം അപേക്ഷകൾ വേഗത്തിൽ തീർപ്പാക്കി.
- നിക്ഷേപം: കേരളത്തെ നിക്ഷേപ സൗഹൃദ സംസ്ഥാനമാക്കി മാറ്റുന്നതിൽ വലിയ മുന്നേറ്റം നടത്തിയതായും മുഖ്യമന്ത്രി വ്യക്തമാക്കി
നിയമസഭാ തിരഞ്ഞെടുപ്പിന് മുന്നോടിയായിട്ടാണ് സർക്കാരിന്റെ പ്രവർത്തന റിപ്പോർട്ട് മുഖ്യമന്ത്രി ജനങ്ങൾക്ക് മുന്നിൽ അവതരിപ്പിച്ചത്. കൃത്യമായ കണക്കുകളോടെയുള്ള ഈ പ്രോഗ്രസ് കാർഡ് വരും ദിവസങ്ങളിൽ രാഷ്ട്രീയ ചർച്ചകളിൽ പ്രധാന വിഷയമാകും.
pinarayi-vijayan
