കനത്ത ചൂട് കണക്കിലെടുത്ത് സംസ്ഥാനത്തെ അങ്കണവാടികൾക്ക് അവധി നൽകണം; അഡ്വ.എ. സുരേഷ് കുമാർ
കനത്ത ചൂട് കണക്കിലെടുത്ത് സംസ്ഥാനത്തെ അങ്കണവാടികൾക്ക് അവധി നൽകണമെന്ന് ഡിസിസി വൈസ് പ്രസിഡണ്ടും നഗരസഭ കൗൺസിലറുമായ അഡ്വ.എ. സുരേഷ് കുമാർ ആവശ്യപ്പെട്ടു. ഇത് സംബന്ധിച്ച് മനുഷ്യാവകാശ കമ്മീഷനും സംസ്ഥാന ആരോഗ്യ വനിത ശിശു വികസന മന്ത്രി വീണ ജോർജിനും അദ്ദേഹം കത്തയച്ചു.
കടുത്ത ചൂട് പരിഗണിച്ച് തൊഴിലാളികൾ പകൽ സമയത്ത് തൊഴിൽ ചെയ്യരുതെന്ന് സർക്കാരും സ്പെഷ്യൽ ട്യൂഷൻ ഉൾപ്പെടെ നടത്തരുതെന്ന് വിദ്യാഭ്യാസ മന്ത്രിയും നിർദേശിച്ചിരിക്കുന്ന സാഹചര്യത്തിൽ അംഗനവാടി കുട്ടികളെ ഇടുങ്ങിയ ക്ലാസ് റൂമുകളിൽ ഇരുത്തി പഠിപ്പിക്കുന്നത് അപകടകരമാണെന്നും അവരുടെ ആരോഗ്യത്തെ ബാധിക്കുമെന്നും ഈ സാഹചര്യത്തിൽ കടുത്ത ചൂട് കാലാവസ്ഥ മാറുന്നത് വരെ അംഗണവാടികൾക്ക് അവധി നൽകണമെന്നാണ് കത്തിൽ ആവശ്യമുന്നയിച്ചിരിക്കുന്നത്.
hot sun
