മൂന്നു വയസ്സുകാരിക്ക് തെരുവുനായുടെ ക്രൂരമായ ആക്രമണം
പത്തനംതിട്ട: ഓമല്ലൂർ പൈവള്ളിയിൽ മൂന്നു വയസ്സുകാരിക്ക് തെരുവുനായുടെ ക്രൂരമായ ആക്രമണം. പൈവള്ളി ചരുവിൽ പ്രതിഭയുടെ മകൾ സുകന്യയെയാണ് ആക്രമിച്ചത്. അടുക്കള വാതിൽ വഴി വീടിനുള്ളിൽ കടന്നായിരുന്നു ആക്രമണം. കണ്ണിനടക്കം മുഖത്ത് കടിയേറ്റ കുട്ടിയെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പൈവള്ളി വാർഡിലെ മറ്റ് ചിലരെയും നായ് ഓടിനടന്ന് കടിച്ചു. രാവിലെ ഒരു വൈദികനേയും തെരുവുനായ് കടിച്ചിരുന്നു. നായ്ക്ക് പേവിഷബാധയുള്ളതായി നാട്ടുകാർ പറഞ്ഞു.
three-year-old-girl-attacked-in-the-street
