പത്തനംതിട്ട: വാഴമുട്ടം റസിഡന്റ്സ് അസോസിയേഷന്റെ ഔദ്യോഗിക ഉദ്ഘാടനവും പഠനോപകരണ വിതരണവും, മെറിറ്റ് അവാർഡ് ദാനവും പ്രൗഢഗംഭീരമായ ചടങ്ങുകളോടെ നടന്നു. ഞായറാഴ്ച വാഴമുട്ടം എൻ.എസ്.എസ് ഓഡിറ്റോറിയത്തിൽ വെച്ചായിരുന്നു ചടങ്ങുകൾ സംഘടിപ്പിച്ചത്.
അസോസിയേഷൻ രക്ഷാധികാരി ഡോ. ജോർജ്ജ് മാത്യു ചടങ്ങിൽ അധ്യക്ഷത വഹിച്ചു. ആറന്മുള എം.എൽ.എ അഡ്വ. അബിൻ വർക്കി കോടിയാട്ട് ചടങ്ങിന്റെ ഔദ്യോഗിക ഉദ്ഘാടനം നിർവ്വഹിച്ചു. ജില്ലാ പഞ്ചായത്ത് പ്രസിഡന്റ് ശ്രീമതി ദീനാമ്മ റോയി ചടങ്ങിൽ മുഖ്യസന്ദേശം നൽകി.
ബ്ലോക്ക് പഞ്ചായത്ത് മെമ്പർമാരായ അഡ്വ. ജോൺസൺ വിളവിനാൽ, ശ്രീ. സജി വർഗ്ഗീസ്, ഓമല്ലൂർ പഞ്ചായത്ത് പ്രസിഡന്റ് ശ്രീമതി ആതിര വി., വാർഡ് മെമ്പർമാരായ ശ്രീമതി പ്രിൻസി സാമുവേൽ, ശ്രീമതി സിന്ധു പ്രദീപ്, ശ്രീ. സതീഷ് ബി., രക്ഷാധികാരി ശ്രീ. ടി. ജെ. ഏബ്രഹാം എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു.
പ്രദേശത്തെ മികച്ച വിജയം കൈവരിച്ച വിദ്യാർത്ഥികൾക്കുള്ള മെറിറ്റ് അവാർഡുകളും പുതിയ അധ്യയന വർഷത്തേക്കുള്ള പഠനോപകരണങ്ങളും ചടങ്ങിൽ വെച്ച് വിതരണം ചെയ്തു. നിരവധി ജനവിഭാഗങ്ങൾ പങ്കെടുത്ത ചടങ്ങിലേക്ക് ഭാരവാഹികൾ ഏവർക്കും സ്വാഗതം ആശംസിച്ചിരുന്നു.
Vazhamuttom
