ഇതരസംസ്ഥാന തൊഴിലാളികളുടെ താമസസ്ഥലങ്ങളിൽ കഞ്ചാവ് വിതരണം; പ്രതി പിടിയിൽ
പത്തനംതിട്ട: പത്തനംതിട്ട ജില്ലയിലെ ഇതരസംസ്ഥാന തൊഴിലാളികളുടെ താമസസ്ഥലങ്ങൾ (ലേബർ ക്യാമ്പുകൾ) കേന്ദ്രീകരിച്ച് കഞ്ചാവ് വിതരണം നടത്തിവന്ന 21 വയസുകാരനെ എക്സൈസ് സ്പെഷ്യൽ സ്ക്വാഡ് പിടികൂടി. 'ഓപ്പറേഷൻ തണ്ടർ' സ്പെഷ്യൽ ഡ്രൈവിന്റെ ഭാഗമായി പത്തനംതിട്ടയിൽ പന്തളത്ത് എക്സൈസ് നടത്തിയ പരിശോധനയിൽ ആണ് പശ്ചിമബംഗാൾ സ്വദേശിയായ വിശ്വജിത് മജൂദാർ പിടിയിലായത് . പന്തളം വലിയ പാലത്തിന് സമീപം നടത്തിയ പരിശോധനയിൽ 1.442 കിലോഗ്രാം കഞ്ചാവുമായി ആണ് ഇയാൾ പിടിയിലായത് .
പത്തനംതിട്ട ഇന്റലിജൻസ് ബ്യൂറോ നൽകിയ രഹസ്യവിവരത്തിന്റെ അടിസ്ഥാനത്തിൽ എക്സൈസ് സ്പെഷ്യൽ സ്ക്വാഡും റേഞ്ച് ഓഫീസും സംയുക്തമായി ഇന്ന് രാവിലെ 6 മണിയോടെയാണ് കുളനട - പന്തളം റോഡിൽ വെച്ച് പ്രതിയെ കസ്റ്റഡിയിലെടുത്തത്. എക്സൈസ് ഇൻസ്പെക്ടർ നാസർ എച്ചിന്റെ നേതൃത്വത്തിലുള്ള സംഘമാണ് പരിശോധനയ്ക്ക് നേതൃത്വം നൽകിയത്.
Ganja distribution at the accommodation of migrant workers; accused arrested.
