കോന്നി പഞ്ചായത്തോഫീസിന് മുൻപിൽ നിർമിച്ചിരുന്ന കോൺക്രീറ്റ് തൂൺ പൊളിച്ചുമാറ്റി
കോന്നി : യാത്രക്കാർക്കും വാഹനങ്ങൾക്കും ഭീഷണിയായി മാറിയ കോന്നി പഞ്ചായത്തോഫീസിന് മുൻപിലെ അപകടകരമായ കോൺക്രീറ്റ് തൂൺ ഒടുവിൽ അധികൃതർ പൊളിച്ചുമാറ്റി.പഞ്ചായത്തോഫീസിന് മുൻപിൽ നിർമിച്ചിരുന്ന കോൺക്രീറ്റ് തൂൺ ആണ് പൊളിച്ചുമാറ്റിയത് . സൈറണും ക്ലോക്കും സ്ഥാപിക്കാനായി 2015-2020 കാലത്തെ ഭരണസമിതി ഉണ്ടാക്കിയതായിരുന്നു ഈ കോൺക്രീറ്റ് തൂൺ . എന്നാൽ, കാലക്രമേണ പദ്ധതി ഉപേക്ഷിച്ചെങ്കിലും തൂൺ കെട്ടിടത്തിന് ഭീഷണിയായി അവിടെത്തന്നെ നിന്നു. ആളുകൾക്കും അവിടെ പാർക്ക് ചെയ്യുന്ന വാഹനങ്ങൾക്കും ഇത് വലിയ അപകടഭീഷണി ഉയർത്തിയതോടെയാണ്, ജില്ലാ കളക്ടറുടെ അനുമതി വാങ്ങി പഞ്ചായത്ത് ഭരണസമിതി ഇത് പൊളിച്ചുനീക്കിയത്
The concrete pillar built in front of the Konni Panchayat office has been demolished
