കേരളത്തിൽ വരും മണിക്കൂറുകളിലും ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കഴിഞ്ഞ മൂന്ന് ദിവസമായി സംസ്ഥാനത്ത് അസാധാരണമായ മഴയാണ് പെയ്യുന്നത്. പത്തനംതിട്ട ജില്ലയിൽ മാത്രം സാധാരണ ലഭിക്കേണ്ടതിനേക്കാൾ അഞ്ചിരട്ടിയിലധികം മഴയാണ് ഈ ദിവസങ്ങളിൽ രേഖപ്പെടുത്തിയത്.
കഴിഞ്ഞ മൂന്ന് ദിവസത്തിനിടെ പത്തനംതിട്ടയിൽ സാധാരണയേക്കാൾ 533 ശതമാനം അധിക മഴയാണ് പെയ്തിറങ്ങിയത്. സാധാരണയായി ഈ സമയത്ത് 40 മില്ലി ലിറ്റർ മഴ ലഭിക്കേണ്ട സ്ഥാനത്ത്, ഇത്തവണ പെയ്തത് 253 മില്ലി മീറ്റർ മഴയാണ്. പത്തനംതിട്ടയ്ക്ക് പുറമെ മറ്റ് ജില്ലകളിലും സാധാരണ ലഭിക്കേണ്ടതിനേക്കാൾ കൂടുതൽ മഴയാണ് രേഖപ്പെടുത്തിയത്.
കേന്ദ്ര കാലാവസ്ഥ വകുപ്പിന്റെ കണക്കുകൾ പ്രകാരം:
ആലപ്പുഴയിൽ സാധാരണ 41 ശതമാനം മഴ ലഭിക്കേണ്ട സ്ഥാനത്ത് 126.3 ശതമാനം മഴ പെയ്തു.
കണ്ണൂരിൽ 74 ശതമാനം വേണ്ടിടത്ത് പെയ്തത് 227 ശതമാനമാണ്.
എറണാകുളത്ത് 52.6 ശതമാനം ലഭിക്കേണ്ട സമയത്ത് 169 ശതമാനം മഴയും രേഖപ്പെടുത്തി.
വരും മണിക്കൂറുകളിലും മഴ ശക്തമായി തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മലയോര മേഖലകളിലും തീരദേശങ്ങളിലും അതീവ ജാഗ്രത പുലർത്താൻ അധികൃതർ നിർദ്ദേശം നൽകിയിട്ടുണ്ട്.
Pathanamthitta Rain
