ട്രൈബൽ ഉന്നതിയിൽ നിന്ന് ആദ്യമായി എം ബി ബി എസ് പ്രവേശനം; വിദ്യാർത്ഥിനിയെ റാന്നി എംഎൽഎ വീട്ടിലെത്തി അനുമോദിച്ചു
റാന്നി: മെഡിക്കൽ പ്രവേശന പരീക്ഷയിൽ ഉന്നത വിജയം നേടി കണ്ണൂർ മെഡിക്കൽ കോളജിൽ പ്രവേശനം നേടിയ ട്രൈബൽ വിദ്യാർഥിനി അശ്വതി മോൾ കെ.പി.യെ റാന്നി എംഎൽഎ അഡ്വ. പഴകുളം മധു വീട്ടിലെത്തി അനുമോദിച്ചു. അടിച്ചിപ്പുഴ ചൊള്ളാനാവയൽ ഉന്നതിയിലെ പതാലിൽ കുഞ്ഞുമോൻ–ശ്രീദേവി ദമ്പതികളുടെ മകളാണ് അശ്വതി. ആദ്യമായാണ് ഉന്നതിയിൽ ഒരു വിദ്യാർത്ഥി എം ബി ബി എസ് പ്രവേശനം നേടുന്നത്.
ഉന്നതിയിലെ വിദ്യാർത്ഥികൾക്ക് പഠനത്തിന് ആവശ്യമായ എല്ലാ അടിസ്ഥാന സഹായങ്ങളും ഒരുക്കി നൽകുമെന്ന് എംഎൽഎ അറിയിച്ചു. നാറാണംമൂഴി ഗ്രാമപഞ്ചായത്ത് വൈസ് പ്രസിഡന്റ് റീന ജെയിംസ്, എ.കെ. ലാലു, ഫാ. മാത്തായി ഒ.ഐ.സി., രാജൻ ടി.പി., ശർമിള അനിൽകുമാർ, വി.ജി. കിഷോർ, ജയിംസ് കക്കാട്ടുകുഴിയിൽ, അപ്പുക്കുട്ടൻ എന്നിവർ പ്രസംഗിച്ചു.
MBBS admission from tribal settlement; Ranni MLA visits student's home to congratulate her
