പത്തനംതിട്ട: ആയുർവേദ ദിനാചരണത്തിന്റെ ഭാഗമായി പത്തനംതിട്ട കളക്ടറേറ്റിൽ ആരോഗ്യകരമായ ഭക്ഷണ വിഭവങ്ങളുടെ പ്രദർശനം സംഘടിപ്പിച്ചു. പരിപാടിയുടെ ഔദ്യോഗിക ഉദ്ഘാടനം ജില്ലാ കളക്ടർ എ. നിസാമുദ്ദീൻ നിർവഹിച്ചു.
ആരോഗ്യകരമായ ഭക്ഷണശീലങ്ങളും അവ തയ്യാറാക്കേണ്ട രീതികളും അടങ്ങിയ 'ഹിതാഹാരം' എന്ന റെസിപ്പി ബുക്ക് ചടങ്ങിൽ വെച്ച് കളക്ടർക്ക് കൈമാറി. ജില്ലയിലെ ആയുഷ് മേഖലയ്ക്ക് കീഴിൽ പ്രവർത്തിക്കുന്ന വിവിധ സ്ഥാപനങ്ങളിലെ ജീവനക്കാരുടെ കൂട്ടായ കൂട്ടായ്മയിലാണ് വൈവിധ്യമാർന്നതും ആരോഗ്യപ്രദവുമായ ഭക്ഷണ വിഭവങ്ങൾ പ്രദർശനത്തിനായി ഒരുക്കിയത്.ചടങ്ങിൽ ആയുഷ് ജില്ലാ മെഡിക്കൽ ഓഫീസർ ഇൻ ചാർജ് ഡോ. കൃഷ്ണകുമാർ, ഡി.പി.എം ഡോ. ബ്രിനു, ആയുർവേദ ദിന പരിപാടി കൺവീനർ ഡോ. ഗംഗാപ്രസാദ് എന്നിവർ പങ്കെടുത്തു. പൊതുജനങ്ങൾക്കിടയിൽ ആരോഗ്യകരമായ ഭക്ഷണരീതികളെക്കുറിച്ച് ബോധവൽക്കരണം നൽകുക എന്ന ലക്ഷ്യത്തോടെയാണ് ഈ പ്രദർശനം സംഘടിപ്പിച്ചത്.
Pathanamthitta
