പത്തനംതിട്ട: പന്തളത്ത് ശിവസേന ജില്ലാ സെക്രട്ടറിക്ക് നേരെ ഗുണ്ടാ ആക്രമണം. ശിവസേന പത്തനംതിട്ട ജില്ലാ സെക്രട്ടറി ഗോപുവിനാണ് ആക്രമണത്തിൽ ഗുരുതരമായി പരിക്കേറ്റത്. പന്തളം-മാവേലിക്കര റോഡിൽ കുന്നിക്കുഴിമുക്കിന് സമീപത്തുവെച്ചായിരുന്നു സംഭവം. ബൈക്കിലെത്തിയ യുവാക്കൾ ഗോപുവിനെ തടഞ്ഞുനിർത്തി ക്രൂരമായി മർദ്ദിക്കുകയായിരുന്നു.
പന്തളം കടയ്ക്കാട് മാറുകരമലയിൽ നക്കാലിക്കൽ വീട്ടിൽ ഗോപുവിനാണ് മർദ്ദനമേറ്റത്. ഇരുപത്തിയെട്ടുകാരനായ ഗോപുവിനെ കുന്നിക്കുഴിമുക്കിന് സമീപത്തുവെച്ച് ബൈക്കിലെത്തിയ സംഘം ആക്രമിക്കുകയായിരുന്നു. 'നീ സംഘി അല്ലേടാ' എന്ന് ചോദിച്ചുകൊണ്ടായിരുന്നു യുവാക്കൾ ഗോപുവിനെ ക്രൂരമായി മർദ്ദിച്ചതെന്നാണ് വിവരം.
മർദ്ദനത്തിൽ മൂക്കിന് ഗുരുതരമായി പരിക്കേറ്റ ഗോപുവിനെ അടൂർ താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തെ തുടർന്ന് പന്തളം പോലീസ് ആശുപത്രിയിലെത്തി ഗോപുവിന്റെ മൊഴി രേഖപ്പെടുത്തിയിട്ടുണ്ട്. എന്നാൽ സംഭവത്തിൽ ഇതുവരെ കേസ് രജിസ്റ്റർ ചെയ്തിട്ടില്ലെന്നാണ് പന്തളം പോലീസ് അറിയിക്കുന്നത്. അക്രമികളെ കണ്ടെത്താനുള്ള അന്വേഷണം പോലീസ് ആരംഭിച്ചിട്ടുണ്ട്.
pandalam
