കോളേജ് ഓഫ് എൻജിനീയറിങ് ആറൻമുളയിലെ കമ്പ്യൂട്ടർ സയൻസ് വിഭാഗവും ടെക് ബൈ ഹാർട്ടും ചേർന്ന് സൈബർ സുരക്ഷ ബോധവൽക്കരണ പരിപാടി സംഘടിപ്പിച്ചു. സൈബർ സ്മാർട്ട് 2024 എന്ന പേരിൽ ഇന്ത്യയൊട്ടാകെ ടെക് ബൈ ഹാർട്ട് നടത്തുന്ന സൈബർ സുരക്ഷ ബോധവൽക്കരണ പരിപാടിയുടെ ഭാഗമായാണ് പുത്തൻ സൈബർ തട്ടിപ്പുകളെക്കുറിച്ചും അവയുടെ പരിഹാര മാർഗ്ഗങ്ങളെക്കുറിച്ചുമുള്ള സെമിനാർ സംഘടിപ്പിച്ചത്.സൈബർ സെക്യൂരിറ്റി & എത്തിക്കൽ ഹാക്കിംഗ് എന്ന വിഷയത്തിൽ നടന്ന സെമിനാർ പത്തനംതിട്ട ഡിവൈഎസ്പി ശ്രീ: നന്ദകുമാർ എസ് ഉൽഘാടനം ചെയ്തു. കമ്പ്യൂട്ടർ സയൻസ് ആൻ്റ് എൻജിനീയറിങ് വിഭാഗം മേധാവി അസിസ്റ്റൻ്റ് പ്രൊഫസർ സിജു കോശി സ്വാഗതവും പ്രിൻസിപ്പൽ ഡോ.അജീഷ് എസ് അധ്യക്ഷതയും വഹിച്ചു.തുടർന്ന് സൈബർ സ്മാർട്ട് 2024നെ കുറിച്ച് സൈബർ സെക്യൂരിറ്റി അനലിസ്റ്റായ ധനൂപ് ആർ സംസാരിക്കുകയും സെമിനാർ നയിക്കുകയും ചെയ്തു.
അസിസ്റ്റൻ്റ് പ്രൊഫസർ ധന്യ വി കുറുപ്പ് ചടങ്ങിൽ നന്ദി അറിയിച്ചു.
aranmula
