പത്തനംതിട്ട കോന്നിയിൽ പാറമടയിൽ കല്ലിടിഞ്ഞ് ഹിറ്റാച്ചിക്ക് മുകളില്വീണ് അപകടം; രണ്ടുപേര് കുടുങ്ങിക്കിടക്കുന്നു
കോന്നി: പയ്യനാമണ് ചെങ്കുളം പാറമടയില് പാറ അടര്ന്നുവീണ് രണ്ടുപേര് കല്ലുകൾക്കിടയിൽ അകപ്പെട്ടു. ജാര്ഖണ്ഡ്, ഒറീസ സ്വദേശികളാണ് കുടുങ്ങിക്കിടക്കുന്നത്. പാറ അവശിഷ്ടങ്ങൾക്കിടയിൽനിന്ന് ഇവരെ പുറത്തെടുക്കാനുള്ള ശ്രമം നടക്കുകയാണ്. ഉച്ചകഴിഞ്ഞ് മൂന്നുമണിയോടെയായിരുന്നു അപകടം.
പാറ നീക്കംചെയ്യുന്നതിനിടെ ഹിറ്റാച്ചിയ്ക്ക് മുകളിലേയ്ക്ക് ഇടിഞ്ഞുവീണാണ് അപകടമുണ്ടായത്. ഹിറ്റാച്ചി ഓപ്പറേറ്ററും ഹെല്പ്പറുമാണ് അപകടത്തില്പ്പെട്ടത്. ഹിറ്റാച്ചി പൂര്ണമായും തകര്ന്ന നിലയിലാണ്.
ഹിറ്റാച്ചിക്കും തൊഴിലാളികള്ക്കും മുകളിലേയ്ക്ക് വലിയ പാറക്കല്ലുകള് അടര്ന്നുവീഴുകയായിരുന്നു. പാറ വീഴുന്നത് തുടരുന്നതിനാല് രക്ഷാപ്രവര്ത്തനം പ്രയാസകരമാണ്. ക്രെയിന് സ്ഥലത്ത് എത്തിച്ചിട്ടുണ്ട്.
QUARRY
