പത്തനംതിട്ട : ജില്ലയിലെ എല്ലാ ഡെപ്യൂട്ടി പോലീസ് സൂപ്രണ്ടുമാർ , ഇൻസ്പെക്ടർ SHO മാർ എന്നിവരുടെ മീറ്റിംഗിൽ സംസ്ഥാന സർക്കാരിന്റെ " സമയം " പദ്ധതി വിശദീകരിക്കുന്ന ചടങ്ങിൽ ജില്ലയിലെ മുതിർന്ന ന്യായാധിപന്മാർ പങ്കെടുത്തു. ചടങ്ങ് ബഹു : പ്രിൻസിപ്പൽ ജില്ലാ & സെഷൻസ് ജഡ്ജ് ശ്രീ. N ഹരികുമാർ ഉദ്ഘാടനം ചെയ്തു. ജില്ലാ പോലീസ് മേധാവി ശ്രീ. R ആനന്ദ് IPS അധ്യക്ഷത വഹിച്ച ചടങ്ങിൽ തുടർന്ന് ജില്ലാ ലീഗൽ സർവീസ് അതോറിറ്റി സെക്രട്ടറിയും ബഹു : സിവിൽ ജഡ്ജുമായ ശ്രീ N N അരുൺ ബെച്ചു , ബഹു : ചീഫ് ജുഡീഷ്യൽ മജിസ്ട്രേട്ട് ശ്രീ. Dr. ജോൺ വർഗീസ് എന്നിവർ ക്ലാസുകൾ നയിച്ചു. കുടുംബ പ്രശ്നങ്ങൾ , സാമ്പത്തിക തർക്കങ്ങൾ ഉൾപ്പെടെയുള്ള ചെറിയ കുറ്റകൃത്യങ്ങൾക്ക് പോലീസ് സ്റ്റേഷനിൽ കേസ് രജിസ്റ്റർ ചെയ്യുന്നതിന് പകരം ജില്ലാ ലീഗൽ സർവീസ് അതോറിറ്റിയുടെ മധ്യസ്ഥതയിൽ പെട്ടെന്ന് തന്നെ പരിഹാരം കാണാൻ സഹായകമാകുന്ന കേരള സർക്കാരിന്റെ പുതിയ പദ്ധതിയാണ് "സമയം " ജില്ലയിലെ മുതിർന്ന പോലീസ് ഓഫീസർമാർക്ക് ഇത്തരമൊരു ക്ലാസ് വളരെയധികം ഉപകാരപ്രദമായിരുന്നു എന്ന് ജില്ലാ പോലീസ് മേധാവി അഭിപ്രായപ്പെട്ടു. ചടങ്ങിൽ ജില്ലാ ക്രൈം റെക്കോർഡ്സ് ബ്യൂറോ DySP ശ്രീ. ബിനു വർഗീസ് സ്വാഗതവും , ജില്ലാ നർക്കോട്ടിക് സെൽ Dy SP ശ്രീ. K S പ്രകാശ് നന്ദിയും രേഖപ്പെടുത്തി.
Pathanamthitta
