പന്തളം കുരമ്പാലയിൽ വീടിന് മുന്നിൽ സംസാരിച്ചു നിന്ന വയോധികനെ പിച്ചാത്തി കൊണ്ട് കുത്തിപ്പരിക്കേൽപ്പിച്ച കേസിലെ പ്രതിയെ പന്തളം പോലീസ് അറസ്റ്റ് ചെയ്തു. കുരമ്പാല ഈരിക്കലയ്യത്ത് ജംഗ്ഷൻ കാവിന്റെ വടക്കത്തിൽ വീട്ടിൽ അഭിഷേക് രാജൻ (35) ആണ് പിടിയിലായത്. ആക്രമണത്തിൽ പരിക്കേറ്റ കുരമ്പാല സ്വദേശി ഭാർഗവൻ പിള്ള (62) ചികിത്സയിലാണ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ആക്രമണത്തിന് പിന്നിൽ ഒരു വർഷം പഴക്കമുള്ള വൈരാഗ്യംകഴിഞ്ഞ ദിവസം ഈരിക്കലയ്യത്ത് ജംഗ്ഷനിൽ ഭാർഗവൻ പിള്ള സ്വന്തം വീടിന് മുന്നിലെ റോഡരികിൽ സുഹൃത്തുമായി സംസാരിച്ചു നിൽക്കുമ്പോഴായിരുന്നു അഭിഷേക് പിച്ചാത്തിയുമായി എത്തി ആക്രമണം നടത്തിയത്.ഒരു വർഷം മുൻപ് പ്രതിയായ അഭിഷേകിന്റെ പിതാവ് പൊതുറോഡിലേക്ക് ഗോമൂത്രം ഒഴുക്കിവിട്ടിരുന്നു.
ഇത് പ്രദേശത്ത് വലിയ ആരോഗ്യപ്രശ്നങ്ങൾക്ക് കാരണമായതോടെ ഭാർഗവൻ പിള്ള ഉൾപ്പെടെയുള്ള നാട്ടുകാർ ചേർന്ന് ആരോഗ്യവകുപ്പിന് പരാതി നൽകി. ഈ പരാതിക്ക് പിന്നിൽ ഭാർഗവൻ പിള്ളയാണെന്ന കടുത്ത വൈരാഗ്യമാണ് ഒടുവിൽ ആക്രമണത്തിൽ കലാശിച്ചതെന്ന് പോലീസ് പറഞ്ഞു.പോലീസിന്റെ തന്ത്രപരമായ നീക്കംകൃത്യം നിർവഹിച്ച ശേഷം ഒളിവിൽ പോയ പ്രതിയെ പന്തളം പോലീസ് സ്റ്റേഷൻ സബ് ഇൻസ്പെക്ടർ (SHO) എബിൻ പ്രസാദിന്റെ നേതൃത്വത്തിലുള്ള സംഘമാണ് വലയിലാക്കിയത്. പ്രതി ഒളിവിലിരിക്കാൻ സാധ്യതയുള്ള കേന്ദ്രങ്ങൾ കേന്ദ്രീകരിച്ച് നടത്തിയ തന്ത്രപരമായ നീക്കത്തിനൊടുവിലാണ് പോലീസ് സംഘം ഇയാളെ കസ്റ്റഡിയിലെടുത്തത്.
അന്വേഷണ സംഘത്തിൽ സീനിയർ സിവിൽ പോലീസ് ഓഫീസർമാരായ (SCPO) എസ്. ബൈജു, എസ്. അൻവർ ഷാ എന്നിവരും ഉണ്ടായിരുന്നു.പ്രതിക്കെതിരെ വധശ്രമം ഉൾപ്പെടെയുള്ള വകുപ്പുകൾ ചുമത്തിയാണ് പോലീസ് കേസെടുത്തിരിക്കുന്നത്. കോടതിയിൽ ഹാജരാക്കിയ ഇയാളെ തുടർനടപടികൾക്കായി റിമാൻഡ് ചെയ്തു.
pandalam
