പത്തനംതിട്ട : ഉപരാഷ്ട്രപതി സി.പി. രാധാകൃഷ്ണന് കേരള ഗവർണർ രാജേന്ദ്ര വിശ്വനാഥ് ആർലേക്കറുടെ നേതൃത്വത്തിൽ പ്രമാടം രാജീവ് ഗാന്ധി ഇൻഡോർ സ്റ്റേഡിയം ഗ്രൗണ്ടിൽ സ്വീകരണം നൽകി.
കേന്ദ്രമന്ത്രി സുരേഷ് ഗോപി, ആന്റോ ആൻറണി എം.പി., കെ.യു. ജനീഷ് കുമാർ എം.എൽ.എ., ജില്ലാ കളക്ടർ എസ്. പ്രേംകൃഷ്ണൻ, ജില്ലാ പോലീസ് മേധാവി ആർ. ആനന്ദ്, പ്രമാടം ഗ്രാമപ്പഞ്ചായത്ത് പ്രസിഡൻറ് സുശീല അജി എന്നിവരും സ്വീകരിക്കാൻ ഒപ്പം ഉണ്ടായിരുന്നു.
പത്തനാപുരം സെയ്ന്റ് സ്റ്റീഫൻസ് ഹൈസ്കൂൾ ശതാബ്ദി ആഘോഷം ഉദ്ഘാടനം ചെയ്യാനാണ് അദ്ദേഹമെത്തിയത്. ഇതിനായി ഹെലികോപ്റ്ററിൽ ഇൻഡോർ സ്റ്റേഡിയം ഗ്രൗണ്ടിലിറങ്ങി. ഇവിടെനിന്ന് റോഡുവഴിയാണ് പത്തനാപുരത്തേക്കുപോയത്.
ഇതിനുമുന്നോടിയായുള്ള പോലീസ് റിഹേഴ്സൽ യാത്ര ശനിയാഴ്ച നടത്തിയിരുന്നു. പോലീസ് വാഹനങ്ങളും ആംബുലൻസും റിഹേഴ്സലിൽ പങ്കെടുത്തു. പത്തനാപുരത്തെ ഉദ്ഘാടനം കഴിഞ്ഞ് ഇതേ റോഡുവഴി തിരികെ വന്ന് പ്രമാടം ഇൻഡോർ സ്റ്റേഡിയത്തിൽനിന്ന് ഹെലികോപ്റ്ററിൽ മടങ്ങി.
Pathanamthitta
