കോന്നി ചെങ്ങറയിൽ പുതിയ വീടിന്റെ വയറിങ് നടക്കുന്നതിനിടെ ഇലക്ട്രീഷ്യൻ ഷോക്കേറ്റ് മരിച്ചു
കോന്നി: ചെങ്ങറയിൽ നിർമാണത്തിലിരുന്ന പുതിയ വീടിന്റെ വയറിങ് ജോലികൾക്കിടെ ഇലക്ട്രീഷ്യൻ ഷോക്കേറ്റ് മരിച്ചു.കോന്നി ചിറ്റൂർമുക്ക് സ്വദേശി പ്രശാന്ത് കുമാർ (43) ആണ് മരണപ്പെട്ടത്.
വയറിങ് പണികൾക്കായി ഉപയോഗിച്ച ഇലക്ട്രിക് ഉപകരണത്തിൽ നിന്ന് ഷോക്കേറ്റതാണ് അപകടത്തിന് കാരണമായതെന്നാണ് പ്രാഥമിക വിവരം. പ്രശാന്തിനൊപ്പം ജോലി ചെയ്തിരുന്ന ആൾ പുറത്തുപോയി തിരികെ വന്നപ്പോഴാണ് ഇദ്ദേഹത്തെ ഉപകരണത്തിന് സമീപം അബോധാവസ്ഥയിൽ കണ്ടെത്തിയത്.
ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവസ്ഥലത്തെത്തിയ മലയാലപ്പുഴ പോലീസ് തുടർനടപടികൾ സ്വീകരിച്ചു. മൃതദേഹം നിലവിൽ പത്തനംതിട്ട ജനറൽ ആശുപത്രി സൂക്ഷിച്ചിരിക്കുകയാണ്.
Death
