പമ്പാനദിയിലൂടെ എണ്ണപ്പാട പോലുള്ള ദ്രാവകം ഒലിച്ചു പോകുന്നു
റാന്നി ∙ പമ്പാനദിയിലൂടെ എണ്ണപ്പാട പോലുള്ള ദ്രാവകം ഒലിച്ചുപ്പോയി. 4 മണിക്കൂറോളം ഇതു ജലോപരിതലത്തിൽ കാണപ്പെട്ടു. രാവിലെ 6ന് പ്രഭാത സവാരിക്കിറങ്ങിയവരാണ് പാട പോലെ വെള്ളത്തിനു മുകളിൽ എന്തോ ദ്രാവകത്തിന്റെ സാന്നിധ്യം കണ്ടത്. ജലോപരിതലത്തിൽ നിറഞ്ഞൊഴുകുകയായിരുന്നു അത്. എട്ടര വരെ ഇതു തുടർന്നു. വെള്ളത്തിൽ കുളിക്കാനിറങ്ങിയവർക്കു വഴുവഴുപ്പ് അനുഭവപ്പെട്ടിരുന്നു. ആറ്റിൽ ജലനിരപ്പ് താഴ്ന്നതിനാൽ ഇതു വേഗം ശ്രദ്ധിക്കപ്പെട്ടു. വാഹനങ്ങൾ കഴുകുന്നതിലധികം ഓയിൽ സാന്നിധ്യമാണു കണ്ടത്. ഇതു കലർന്ന വെള്ളമാണ് ജല വിതരണ പദ്ധതികളിലൂടെ പമ്പിങ് നടത്തിയത്.
An oil-slick-like liquid is flowing through the Pamba River
