പത്തനംതിട്ട കെ.എസ്.ആർ.ടി.സി ബസ് സ്റ്റാൻഡിൽ അതിക്രമം കാട്ടിയയാൾ അറസ്റ്റിൽ
പത്തനംതിട്ട: പത്തനംതിട്ട കെ.എസ്.ആർ.ടി.സി ബസ്റ്റാൻഡിൽ അതിക്രമം നടത്തുകയും സ്റ്റേഷൻ മാസ്റ്റർ ഓഫീസിന്റെ ഗ്രിൽ, ഫാൻ, ക്ലോക്ക്, പൂച്ചട്ടി തുടങ്ങിയ സാധനങ്ങൾ നശിപ്പിക്കുകയും ചെയ്തയാളെ പത്തനംതിട്ട പോലീസ് അറസ്റ്റ് ചെയ്തു.
കോന്നി വകയാർ കൊല്ലംപടി സ്വദേശി മുതുപേഴുങ്കൽ കോട്ടപ്പുറത്ത് വീട്ടിൽ സുധീഷ് (32) ആണ് പിടിയിലായത്. ഞായറാഴ്ച വൈകുന്നേരം ആയിരുന്നു സംഭവം. എസ്.ഐ. ഷിജു പി. സാമിന്റെ നേതൃത്വത്തിൽ രാത്രിയോടെ പ്രതിയെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു.
man-arrested
