ശബരിമല തീർഥാടന കാലയളവിൽ തിരുവല്ല റെയിൽവേ സ്റ്റേഷനിൽ എല്ലാ ട്രെയിനുകൾക്കും സ്റ്റോപ്
പത്തനംതിട്ട ∙ ശബരിമല മണ്ഡല- മകരവിളക്ക് തീർഥാടന കാലയളവിൽ തിരുവല്ല റെയിൽവേ സ്റ്റേഷനിൽ എല്ലാ ട്രെയിനുകൾക്കും സ്റ്റോപ് അനുവദിക്കും. റെയിൽവേ ബോർഡ് അംഗം ഹരിശങ്കർ വർമയുമായി ആന്റോ ആന്റണി എംപി നടത്തിയ കൂടിക്കാഴ്ചയിലാണു തീരുമാനം. ഇതു സംബന്ധിച്ചുള്ള ഉത്തരവ് റെയിൽവേ ഉടൻ പുറപ്പെടുവിക്കുമെന്നു ഹരിശങ്കർ വർമ ഉറപ്പു നൽകി.
ജില്ലയിലെ ഏക റെയിൽവേ സ്റ്റേഷനാണു തിരുവല്ല. തിരുവല്ലയിൽ കൂടി കടന്നുപോകുന്ന എല്ലാ ട്രെയിനുകൾക്കും സ്റ്റോപ് അനുവദിക്കണമെന്ന തന്റെ ആവശ്യം തീർഥാടന കാലയളവിനു ശേഷവും തുടരണമെന്ന് എംപി പറഞ്ഞു. വലിയ തോതിലുള്ള യാത്രാത്തിരക്കും മതപരമായ പ്രാധാന്യവും കണക്കിലെടുത്തു തിരുവല്ല റെയിൽവേ സ്റ്റേഷനെ പ്രധാന ‘തീർഥാടന റെയിൽവേ സ്റ്റേഷൻ’ ആയി പ്രഖ്യാപിക്കണമെന്നും ആന്റോ ആന്റണി ആവശ്യപ്പെട്ടു.
All trains to have a stop at Thiruvalla Railway Station during the Sabarimala pilgrimage season
