ഡൽഹിയിൽ സമരം നടത്തിയ കോൺഗ്രസ് നേതാക്കളുടെ അറസ്റ്റ് : പത്തനംതിട്ട ജില്ലയിൽ നാളെ കോൺഗ്രസ് പ്രതിഷേധം
പത്തനംതിട്ട: രാജ്യത്ത് തിരഞ്ഞെടുപ്പ് അട്ടിമറികൾക്ക് നേതൃത്വം നൽകുന്നുവെന്ന് ആരോപിച്ച് മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ സമരം നടത്തിയ ലോക്സഭാ പ്രതിപക്ഷ നേതാവ് രാഹുൽ ഗാന്ധി ഉൾപ്പെടെയുള്ള പ്രതിപക്ഷ എം.പിമാരെ അറസ്റ്റ് ചെയ്ത കേന്ദ്ര സർക്കാർ നടപടിയിൽ പ്രതിഷേധിച്ച് ഒക്ടോബർ 7ന് ജില്ലയിലുടനീളം കോൺഗ്രസ് പ്രതിഷേധ പരിപാടികൾ സംഘടിപ്പിക്കും.
കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ വൈകിട്ട് ജില്ലയുടെ വിവിധ കേന്ദ്രങ്ങളിൽ പ്രതിഷേധ പ്രകടനങ്ങളും യോഗങ്ങളും നടക്കും. ജില്ലാതല ഉദ്ഘാടനം വൈകിട്ട് 5ന് പത്തനംതിട്ട ഗാന്ധി സ്ക്വയറിൽ ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിൽ നിർവഹിക്കും. ജില്ലയിലെ വിവിധ കേന്ദ്രങ്ങളിൽ നടക്കുന്ന പ്രതിഷേധ പ്രകടനങ്ങൾക്കും യോഗങ്ങൾക്കും കോൺഗ്രസിന്റെയും പോഷക സംഘടനകളുടെയും വിവിധ തലങ്ങളിലുള്ള നേതാക്കളും ഭാരവാഹികളും നേതൃത്വം നൽകുമെന്ന് ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം അറിയിച്ചു.
Arrest of Congress leaders in Delhi: Pathanamthitta district to witness Congress protests tomorrow
