കണ്ണൂര്, എഡിഎം നവീന് ബാബുവിന്റെ മരണവുമായി ബന്ധപ്പെട്ട കേസിലെ പ്രതി പി.പി ദിവ്യ ഉയര്ത്തിയ അഴിമതി ആരോപണത്തില് കോടതിയില് എല്ലാ തെളിവുകളും ഹാജരാക്കിയെന്ന് പ്രതിഭാഗം അഭിഭാഷകന് കെ. വിശ്വന്.
ദിവ്യയുടെ ജാമ്യാപേക്ഷയില് തലശേരി ജില്ലാ കോടതിയില് നടത്തിയ വാദത്തിന് ശേഷം പുറത്തിറങ്ങിയ വിശ്വന്, മാധ്യമങ്ങളോടാണ് ഇക്കാര്യം പറഞ്ഞത്.
പി.പി ദിവ്യ ഉയര്ത്തിയ കൈക്കൂലി ആരോപണം കേവലം ആരോപണം മാത്രമല്ലെന്നും അതിനെ ഉറപ്പിക്കുന്ന തെളിവുകള് കോടതിക്ക് കൈമാറിയിട്ടുണ്ടെന്നുമാണ് പ്രതിഭാഗം അഭിഭാഷകന് പറഞ്ഞത്.
ഇതുമായി ബന്ധപ്പെട്ട കോള് ഡീറ്റെയില്സ്, ബാങ്ക് ഡീറ്റെയില്സ്, സി സി ടിവി ദൃശ്യങ്ങള് എന്നിവ ഹാജരാക്കിയിട്ടുണ്ടെന്നും വിശ്വന് വിശദീകരിച്ചു. അതുപോലെ തന്നെ കൈക്കൂലി ആരോപണം സാധൂകരിക്കുന്ന മൊഴികള് തുടങ്ങിയവയും കോടതിയുടെ പരിഗണനക്ക് സമര്പ്പിച്ചിട്ടുണ്ട്.
ജാമ്യാപേക്ഷ വാദത്തില് ഞങ്ങള് നേരത്തെ ഉയര്ത്തിയ വാദങ്ങള് ഉറപ്പിക്കുന്നതിനുള്ള രേഖാപരമായ തെളിവുകളെല്ലാം ഹാജരാക്കിയിട്ടുണ്ടെന്നും വിശ്വന് വ്യക്തമാക്കി.
എന്നാല് അന്വേഷണം ശരിയായ രീതിയില് അല്ലെങ്കില് സി ബി ഐ അന്വേഷണം ആവശ്യപ്പെടുമെന്നാണ് എ ഡി എം നവീന് ബാബുവിന്റെ കുടുംബത്തിന്റെ അഭിഭാഷകന് ജോണ് കെ. റാള്ഫ് വാദത്തിന് ശേഷം പുറത്തിറങ്ങിയപ്പോള് മാധ്യമങ്ങളോട് പറഞ്ഞത്. കളക്ടര് ഗൂഢാലോചനയുടെ ഭാഗമാണോ എന്ന് സംശയമുണ്ടെന്നും ജോണ് കെ. റാള്ഫ് മാധ്യമങ്ങളോട് പറഞ്ഞു.
naveen family
