കേസുമായി മുന്നോട്ട് പോകാൻ താല്പര്യമില്ല ;ഹേമകമ്മിറ്റിക്ക് മുൻപാകെ രഹസ്യ മൊഴി നൽകിയ നടിക്ക് കോടതി നോട്ടീസ് നൽകി
ഹേമ കമ്മിക്ക് മുൻപാകെ രഹസ്യ മൊഴി നൽകിയ നടിക്ക് മജിസ്ട്രേറ്റ് കോടതിയിൽ ഹാജരാകാൻ നോട്ടീസ്.രഹസ്യ മൊഴിയുടെ അടിസ്ഥാനത്തിൽ കേസുമായി മുന്നോട്ട് പോകാൻ താത്പര്യമില്ലെന്ന് അറിയിച്ചു സുപ്രീം കോടതിയെ സമീപിച്ച നടിക്കാണ് നോട്ടീസ് നൽകിയിരിക്കുന്നത് .തിരുവനന്തപുരം ഫസ്റ്ക്ലാസ്സ് ജുഡീഷ്യൽ മജിസ്ട്രേറ്റ് കോടതിയിൽ 29 ന് ഹാജരാകാനാണ് നോട്ടീസ്.ഹേമകമ്മറ്റിക്ക് ലഭിച്ച മൊഴികളെക്കുറിച്ച് അന്വേഷിക്കുന്ന പ്രത്യേക അന്വേഷണസംഘം ആവശ്യപ്പെട്ടതിന്റെ അടിസ്ഥാനത്തിലാണ് താരത്തിന് നോട്ടീസ് അയച്ചത് .29 ന് ഉച്ചക്ക് 2.30 ന് കോടതിയിൽ ഹാജരാകാനാണ് നിർദ്ദേശം .അതേസമയം നോട്ടീസിന്റെ പകർപ്പ് നടിയുടെ അഭിഭാഷകൻ തിങ്കളാഴ്ച ജസ്റ്റിസ് വിക്രം നാഥ് അധ്യക്ഷനായ സുപ്രീംകോടതി ബെഞ്ചിന് കൈമാറി .ഹേമകമ്മിറ്റിക്ക് നൽകിയ മൊഴിയുടെ അടിസ്ഥാനത്തിൽ പരാതിയുമായി മുന്നോട്ട് പോകാൻ താത്പര്യമില്ലെന്ന് പ്രത്യേക അന്വേഷണസംഘത്തിനോടു അറിയിച്ചിരുവെന്നും എന്നാൽ അത് കണക്കെടുക്കാതെ ആണ് ചലച്ചിത്രതാരത്തിന്റെ രഹസ്യമൊഴി രേഖപ്പെടുത്താൻ നടപടിയെടുത്തിരിക്കുന്നതെന്നും അഭിഭാഷകർ കോടതിയെ അറിയിച്ചു .
court
