അടൂർ ലൈഫ് ലൈനിൽ ഇവിഎആർ (EVAR) ചികിത്സ വിജയകരം
അടൂർ : ഹൃദയത്തിന്റെ പ്രധാന രക്തധമനിയായ അയോർട്ടയിലെ വീക്കമായ ആയോർട്ടിക് അന്യൂറിസം ബാധിച്ച 73 വയസ്സുള്ള രോഗിക്ക് സങ്കീർണമായ എൻഡോവാസ്ക്യൂലർ അന്യൂറിസം റിപ്പയർ (EVAR) എന്ന സ്റ്റെന്റ് ഗ്രാഫ്ട് ചികിത്സ വിജയകരമായി നടപ്പിലാക്കി അടൂർ ലൈഫ് ലൈൻ ഹാർട്ട് ഇന്സ്ടിട്യൂട്ടിലെ കാർഡിയോളജി - കാർഡിയാക് സർജറി വിഭാഗങ്ങൾ.
വീങ്ങിയ ഭാഗത്തു വിള്ളലോ പൊട്ടലോ ഉണ്ടായാൽ മരണസാധ്യത കൂടുതലായതിനാലാണ് തുറന്ന ശസ്ത്രക്രിയ ഒഴിവാക്കിയുള്ള ഈ ചികിത്സാ ചെയ്തതെന്ന് കാർഡിയോളോജിസ്റ് ഡോ കൃഷ്ണമോഹൻ അഭിപ്രായപ്പെട്ടു .
അമിത രക്തസമ്മർദ്ദം, 65 വയസ്സിനു മുകളിൽ പ്രായം , പുകവലി , രോഗ പാരമ്പര്യം എന്നിവയുള്ളവർ ലളിതമായ അൾട്രാസൗണ്ട് സ്കാനിങ്ങിലൂടെ അന്യൂറിസം ഇല്ല എന്ന് ഉറപ്പുവരുത്തുന്നത് നല്ലതാണെന്നു കാർഡിയോളജി വിഭാഗം മേധാവി ഡോ സാജൻ അഹമ്മദ് അറിയിച്ചു .
മുൻപ് ബൈപ്പാസ് സർജറി കഴിഞ്ഞതും, വൃക്കകളിലേക്കുള്ള രക്തക്കുഴലിനരികിൽ വീക്കം ഉണ്ടായതും , രണ്ടു കാലുകളിലേക്കും ഇത് വ്യാപിച്ചതും , കാൽസ്യം അടിഞ്ഞുകൂടിയതും രോഗിയുടെ സങ്കീർണതകൾ വർധിപ്പിക്കുന്നതിനു ഇടയാക്കിയെന്നു കാർഡിയാക് സർജറി വിഭാഗം മേധാവി ഡോ രാജഗോപാൽ വിശദീകരിച്ചു .
സീനിയർ കാർഡിയോളോജിസ്റ്റുകളായ ഡോ ആശിഷ് കുമാർ , ഡോ വിനോദ് മണികണ്ഠൻ , ഡോ സന്ദീപ് ജോർജ് , ഡോ ചെറിയാൻ ജോർജ് , ഡോ ചെറിയാൻ കോശി , കാർഡിയാക് അനസ്തേഷ്യ വിഭാഗം മേധാവി ഡോ അജിത് സണ്ണി , ഡോ ശ്രുതി മത്തായി , റേഡിയോളോജിസ്റ് ഡോ അബ്ദുൽ ഫൈസൽ എന്നിവർ കൂടി അടങ്ങുന്ന സംഘമാണ് ചികിത്സ നടത്തിയത്.
evar
