വീട്ടിലെ കിണറ്റിൽ കുടുങ്ങിയ മൂന്നുപേരെ അഗ്നിരക്ഷാസേന രക്ഷിച്ചു
മല്ലപ്പള്ളി : മുരണി കോലമല ഭാഗത്ത് വീട്ടിലെ കിണറ്റിൽ കുടുങ്ങിയ മൂന്നുപേരെ തിരുവല്ലയിൽനിന്നെത്തിയ അഗ്നിരക്ഷാസേന പുറത്തെടുത്തു. എം.ടി. റ്റിജി(32)യാണ് ആദ്യം കിണറ്റിൽ വീണത്. ഇവരെ രക്ഷിക്കാനിറങ്ങിയ ഭർത്താവ് മാത്യു തോമസിന്റെ(38) കാലുകൾ മരവിച്ചതിനെത്തുടർന്നാണ് ഐക്കര ശശിധരൻപിള്ള (62) ഇറങ്ങിയത്.
മൂവരും തിരികെ കയറാനാകാതെവന്നതോടെ അയൽവാസികൾ ഏണിയും കയറുകളും ഇറക്കി. അതിൽ പിടിച്ചുനിൽക്കുമ്പോഴാണ് സേന എത്തിയത്.
വലയും കയറുകളും ഉപയോഗിച്ച് മൂന്നുപേരെയും സുരക്ഷിതരായി കരയ്ക്കുകയറ്റി അഗ്നിരക്ഷാസേനയുടെ ആംബുലൻസിൽ മല്ലപ്പള്ളി ഗവ. ആശുപത്രിയിൽ എത്തിച്ചു. ബുധനാഴ്ച ഉച്ചയ്ക്ക് പന്ത്രണ്ടിനായിരുന്നു സംഭവം.
ഗ്രേഡ് എ.എസ്.ടി.ഒ. ശ്രീനിവാസ്, സീനിയർ ഓഫീസർ ആർ.എസ്. ബിനു, ഓഫീസർമാരായ രഞ്ജിത്ത്, ശ്രീദാസ്, പ്രദീപ്, ഷിബു ഗോവിന്ദ്, രാഹുൽ, വർഗീസ്, ഹോംഗാർഡ് ഷാജി എന്നിവർ രക്ഷാപ്രവർത്തനത്തിൽ പങ്കെടുത്തു. മാത്യു തോമസിന്റെ വീടിന്റെ പണി നടക്കുന്നതിനാൽ കോലമല വീട്ടിൽ വാടകയ്ക്ക് താമസിക്കുകയായിരുന്നു ദമ്പതിമാർ.
fireforce
