തണ്ണിത്തോട് വില്ലേജിനെ പരിസ്ഥിതി ലോല മേഖലയിൽ ഉൾപ്പെടുത്തിയതിൽ ആശങ്ക രേഖപ്പെടുത്തി, ജനവാസ മേഖലകളെയും കൃഷിയിടങ്ങളെയും ഇതിന്റെ പരിധിയിൽ നിന്ന് ഒഴിവാക്കണമെന്ന് ആവശ്യപ്പെട്ട് കേരള കൗൺസിൽ ഓഫ് ചർച്ചസ് (കെ.സി.സി) തണ്ണിത്തോട് സോണിന്റെ നേതൃത്വത്തിൽ നിവേദനം നൽകി. പത്തനംതിട്ടയിൽ വെച്ച് നടന്ന ചടങ്ങിൽ കെ.സി.സി തണ്ണിത്തോട് സോണിന് വേണ്ടി സോൺ പ്രസിഡന്റ് ഫാ. ഒ. എം. ശമുവേൽ, സെക്രട്ടറി അനീഷ് തോമസ് എന്നിവർ ചേർന്ന് ബഹുമാനപ്പെട്ട കേരള മുഖ്യമന്ത്രി ശ്രീ. വി. ഡി. സതീശന് നിവേദനം സമർപ്പിച്ചു.
തണ്ണിത്തോട് വില്ലേജിലെ ജനവാസ മേഖലകളും കൃഷിയിടങ്ങളും പരിസ്ഥിതി ലോല മേഖലയുടെ പരിധിയിൽ ഉൾപ്പെടുന്നതുമൂലം സാധാരണ ജനങ്ങൾക്കുണ്ടാകാവുന്ന വലിയ ആശങ്കകളും പ്രയാസങ്ങളുമാണ് നിവേദനത്തിൽ പ്രധാനമായും ചൂണ്ടിക്കാട്ടിയിരിക്കുന്നത്. മലയോര മേഖലയിലെ ജനങ്ങളുടെ ജീവിതവും ഉപജീവന മാർഗങ്ങളും പൂർണ്ണമായി സംരക്ഷിക്കുന്നതിനായി, ജനവാസ പ്രദേശങ്ങളെയും കൃഷിയിടങ്ങളെയും പരിസ്ഥിതി ലോല മേഖല പരിധിയിൽ നിന്ന് അടിയന്തരമായി ഒഴിവാക്കാൻ സർക്കാർ തലത്തിൽ ആവശ്യമായ നടപടികൾ സ്വീകരിക്കണമെന്നും പ്രതിനിധികൾ നിവേദനത്തിലൂടെ ആവശ്യപ്പെട്ടു.
kcc
