യുകെയിൽ ടൗൺ കൗൺസിലറായി കോന്നി സ്വദേശിയായ മലയാളി യുവാവ് ആശിഷ് ജോസഫ് മാത്യു
ഇപ്സ്വിച്ച്: പത്തനംതിട്ട ജില്ലയിലെ കോന്നി സ്വദേശിയായ മലയാളി യുവാവ് ആശിഷ് ജോസഫ് മാത്യു,യുകെയിലെ സഫോക്ക് കൗണ്ടിയിലെ Needham Market Town Council-ലേക്ക് ടൗൺ കൗൺസിലറായി തിരഞ്ഞെടുക്കപ്പെട്ടു. കൗൺസിലിലെ ഒഴിവിലേക്ക് നടന്ന co-option നടപടിയിലൂടെയാണ് ആശിഷ് പുതിയ കൗൺസിലറായി തിരഞ്ഞെടുക്കപ്പെട്ടത്.കോന്നി ഒരേതു ഭവനത്തിൽ ഇളകൊള്ളൂർ സ്വദേശിയായ ജോസഫ് മാത്യുവിന്റെ മകനാണ് 35കാരനായ ആശിഷ് .
നിലവിൽ Needham Market, Ipswich, United Kingdom പ്രദേശത്ത് താമസിക്കുന്ന ആശിഷ്, പ്രാദേശിക സമൂഹത്തിന്റെ ആവശ്യങ്ങൾ മനസ്സിലാക്കി ജനങ്ങളുടെ താൽപര്യങ്ങൾക്കായി പ്രവർത്തിക്കുകയാണ് തന്റെ പ്രധാന ലക്ഷ്യമെന്ന് പറഞ്ഞു.
പ്രാദേശിക സമൂഹവുമായി കൂടുതൽ അടുത്ത് ഇടപഴകുകയും ജനങ്ങളുടെ അഭിപ്രായങ്ങളും ആവശ്യങ്ങളും കൗൺസിലിന്റെ ശ്രദ്ധയിൽപ്പെടുത്തുകയും ചെയ്ത് സമൂഹത്തിന്റെ വികസനത്തിൽ സജീവമായി പങ്കാളിയാകാനാണ് ആശിഷിന്റെ ലക്ഷ്യം.
പത്തനംതിട്ട കോന്നി സ്വദേശിയായ ഒരു മലയാളി യുകെയിലെ പ്രാദേശിക ഭരണസംവിധാനത്തിൽ കൗൺസിലറായി എത്തിയത്, യുകെയിലെ മലയാളി സമൂഹത്തിനും അഭിമാനകരമായ നേട്ടമാണെന്ന് സുഹൃത്തുക്കളും കുടുംബാംഗങ്ങളും അഭിപ്രായപ്പെട്ടു.
Ashish Joseph Mathew, a young Malayali native of Konni, becomes a Town Councillor in the UK
