തിരുവല്ല പെരിങ്ങര പഞ്ചായത്ത് കെട്ടിടത്തിന്‍റെ മേല്‍ക്കൂരയുടെ സീലിംഗ് ഇളകി വീണു : വനിതാ ജീവനക്കാര്‍ക്ക് പരിക്ക്
തിരുവല്ല : പെരിങ്ങര ഗ്രാമപഞ്ചായത്ത് കെട്ടിടത്തിന്‍റെ മേല്‍ക്കൂരയുടെ സീലിംഗ് ഇളകി വീണ് രണ്ട് വനിതാ ജീവനക്കാര്‍ക്ക് പരിക്കേറ്റു. രാവിലെ പത്തരയോടെയായിരുന്നു അപകടം. പഞ്ചായത്ത് കെട്ടിടത്തിന്‍റെ ഒന്നാം നിലയില്‍ പ്രവര്‍ത്തിക്കുന്ന ഓഫീസിലാണ് അപകടം നടന്നത്. പഞ്ചായത്ത് അസിസ്റ്റന്‍റ് സെക്രട്ടറി വിനീത കെ., സുമതി എന്നിവര്‍ക്കാണ് പരിക്കേറ്റത്‌. പി.വി.സി. പാനല്‍ ഉപയോഗിച്ച് നിര്‍മ്മിച്ച മേല്‍ക്കൂരയുടെ ഭാഗങ്ങള്‍ ജീവനക്കാര്‍ ജോലി ചെയ്തുകൊണ്ടിരിക്കുമ്പോഴാണ് ഇളകി വീണത്. കാലപ്പഴക്കത്താല്‍ ഇളകി വീണതാകാമെന്നാണ് കരുതുന്നത്. മേല്‍ക്കൂരയുടെ ഭാഗങ്ങള്‍ ഇളകി വീണപ്പോള്‍ ഈ ഭാഗത്ത് പൊതുജനങ്ങള്‍ ആരുമില്ലാതിരുന്നതിനാല്‍ വലിയ ദുരന്തം ഒഴിവാകുകയായിരുന്നു.
The ceiling of the roof of the Thiruvalla Peringara Grama Panchayat building collapsed: female employees injured.
