അടൂരിൽ പിക് അപ് വാനും സ്കൂട്ടറും കൂട്ടിയിടിച്ചു വാഹനാപകടത്തില്‍ ഒരാള്‍ മരിച്ചു
അടൂര്‍ : വടക്കടത്തുകാവില്‍ പിക് അപ് വാനും സ്കൂട്ടറും കൂട്ടിയിടിച്ചുണ്ടായ അപകടത്തില്‍ ഒരാള്‍ മരണപ്പെട്ടു. അടൂര്‍ ഹരിഭവനം രാജു (65) ആണ് മരിച്ചത്. രാവിലെ എട്ടരയോടെയാണ് അപകടം നടന്നത്. രാജു സഞ്ചരിച്ചിരുന്ന സ്കൂട്ടര്‍ വടക്കടത്തുകാവില്‍ എതിരെ വന്ന പിക് അപ് വാനില്‍ ഇടിക്കുകയായിരുന്നു. അപകടത്തില്‍ സ്കൂട്ടര്‍ പിക് അപ് വാനിന് അടിയിലേക്ക് ഇടിച്ചുകയറി. ഇദ്ദേഹം അപകടസ്ഥലത്തുതന്നെ മരണപ്പെട്ടതായാണ് വിവരം. അടൂര്‍ പോലീസ് സ്ഥലത്തെത്തി നടപടികള്‍ സ്വീകരിച്ചു. മൃതദേഹം പോസ്റ്റുമോര്‍ട്ടം നടപടികള്‍ക്ക് ശേഷം ബന്ധുക്കള്‍ക്ക് വിട്ടുനല്‍കും.
One person died in a road accident after a pickup van and a scooter collided in Adoor
