കല്ലേലിക്കടവിൽ കടുവക്കുട്ടിയുടെ ജ‍ഡം; 4 ദിവസം പഴക്കമുള്ള ജഡം ആൺ കടുവയുടേത്

Also read: തെരഞ്ഞെടുപ്പിൽ വിജയിക്കുമെന്നും ഒറ്റക്കെട്ടായി യുഡിഎഫ് തെരഞ്ഞെടുപ്പിനെ നേരിടുമെന്നും അടൂര്‍ പ്രകാശ്

Also read: മാലിന്യം വലിച്ചെറിയുന്നവരെ കണ്ടുപിടിക്കാൻ എ ഐ ക്യാമറ സ്ഥാപിക്കുന്ന ആദ്യ മുനിസിപ്പാലിറ്റിയായി പത്തനംതിട്ട

കോന്നി: അച്ചൻകോവിലാറ്റിൽ കല്ലേലിക്കടവിൽ കടുവയുടെ കുട്ടിയുടെ ജ‍ഡം കണ്ടെത്തി. കോന്നി വനം റേഞ്ചിലെ വനമേഖലയോട് ചേർന്ന കല്ലേലി ജനവാസ മേഖലയുടെ സമീപത്തെ സൗത്ത് കുമരംപേരൂർ (കുമ്മണ്ണൂർ) ഫോറസ്റ്റ് സ്റ്റേഷൻ പരിധിയിലാണ് ജഡം കണ്ടെത്തിയത്. ഇന്നലെ പുലർച്ചെ ആറ്റിൽ കാക്കകൾ കൂട്ടമായി പറക്കുന്നത് കണ്ട് കല്ലേലി ചിറത്തിട്ട മുരുപ്പേൽ സുരേഷ് കുമാർ പരിശോധിച്ചപ്പോഴാണ് കടുവയുടെ ജഡം കണ്ടത്. തുടർന്ന് വനപാലകരെ വിവരം അറിയിക്കുകയായിരുന്നു.

Also read: വ​ന്ധ്യം​ക​ര​ണം ന​ട​ത്തി പൊ​തു​സ്​​ഥ​ല​ങ്ങ​ളി​ൽ​നി​ന്ന്​ തെ​രു​വു​നാ​യ്ക്ക​ളെ പൂ​ർ​ണ​മാ​യി നീ​ക്ക​ണ​മെ​ന്ന്​ സു​പ്രിം​കോ​ട​തി ഉ​ത്ത​ര​വി​ട്ടി​രി​ക്കെ,പ​ത്ത​നം​തി​ട്ട ജി​ല്ല​യി​ൽ എ.​ബി.​സി പ​ദ്ധ​തി നി​ല​ച്ചി​ട്ട്​ മൂ​ന്നു​ വ​ർ​ഷം.

ഒരു വയസ്സുള്ള ആൺ കടുവയാണ്. നാല് ദിവസത്തെ പഴക്കമുള്ള ജഡം ആറ്റിലൂടെ ഒഴുകി വന്ന് നദിയിലെ മൺതിട്ടയിൽ തങ്ങിനിന്ന നിലയിലായിരുന്നു. വനംവകുപ്പ് വെറ്ററിനറി ഓഫിസർ ഡോ. ബി.ജി.സിബി, മൃഗസംരക്ഷണ വകുപ്പിലെ വെറ്ററിനറി സർജൻ ഡോ. ആനന്ദ് ആർ.കൃഷ്ണൻ എന്നിവരുടെ നേതൃത്വത്തിൽ കുമ്മണ്ണൂർ ഫോറസ്റ്റ് സ്റ്റേഷനിൽ പോസ്റ്റ്മോർട്ടം നടത്തിയ ശേഷം ജഡം ദഹിപ്പിച്ചു. സതേൺ സർക്കിൾ സിസിഎഫ് ഡോ.കമലഹാർ, ഡിഎഫ്ഒ ആയുഷ് കുമാർ കോറി, റേഞ്ച് ഓഫിസർ ടി.അജികുമാർ, നടുവത്തുമൂഴി റേഞ്ച്‌ ഓഫിസർ അരുൺ കുമാർ എന്നിവരുടെ നേതൃത്വത്തിലാണ് നടപടികൾ പൂർത്തിയാക്കിയത്.

konni tiger cub carcass found