നിലയ്ക്കൽ കാറപകടം: ഒരാൾക്ക് പരുക്ക്
നിലയ്ക്കൽ ∙ ശബരിമല ദർശനം കഴിഞ്ഞ് മടങ്ങുകയായിരുന്ന ഒറ്റപ്പാലം സ്വദേശികളായ തീർഥാടകർ സഞ്ചരിച്ചിരുന്ന കാർ അട്ടത്തോടിനു സമീപം നിയന്ത്രണം വിട്ട് മറിഞ്ഞ് ഒരാൾക്കു പരുക്ക്. വിജയൻ(57), ഇന്ദിര(65),ഗോപിനാഥൻ(47),അർജുൻ(10), രാധാദേവി(68) എന്നിവരാണ് കാറിലുണ്ടായിരുന്നത്. രാധാദേവിയുടെ കാലിനു ഗുരുതരമായി പരുക്കേറ്റു. മറ്റുള്ളവർക്ക് നേരിയ പരുക്കുകളുണ്ട്. ഇന്നലെ ഉച്ചയ്ക്കു ഒരു മണിയോടെയാണ് അപകടം. കാറിനുള്ളിൽ കുടുങ്ങിയ തീർഥാടകയെ നിലയ്ക്കൽ എസ്ഐ വിപിൻകുമാർ, പമ്പയിൽനിന്ന് എത്തിയ അഗ്നിരക്ഷാസേനയിലെ ഉദ്യോഗസ്ഥർ തുടങ്ങിയവരുടെ നേതൃത്വത്തിലാണ് പുറത്തെടുത്തത്. നിലയ്ക്കൽ ആശുപത്രിയിൽ പ്രഥമശുശ്രൂഷ നൽകിയ ശേഷം പത്തനംതിട്ട ജനറൽ ആശുപത്രിയിലേക്കു മാറ്റി.
sabarimala nilakkal car accident
