വാർഡ് കൗൺസിലറുടെ കൈത്താങ്ങ് പദ്ധതിയിലൂടെ പഠനോപകരണ വിതരണവും, ഉന്നത വിജയം നേടിയ വിദ്യാർത്ഥികളെ ആദരിക്കലും

Also read: സ്വകാര്യ ബസ് കാലിലൂടെ കയറിയിറങ്ങി വയോധികന് ഗുരുതര പരിക്കേറ്റു

പത്തനംതിട്ട നഗരസഭ പതിനാറാം വാർഡിൽ വിദ്യാർത്ഥി സംഗമവും, ലഹരി ബോധവൽക്കരണ ക്ലാസും, വാർഡ് കൗൺസിലറുടെ കൈത്താങ്ങ് പദ്ധതിയിലൂടെ സുമനസ്സുകളുടെ സഹായത്തോടെ 180 കുട്ടികൾക്ക് പഠനോപകരണ വിതരണവും എസ്.എസ്.എൽ.സി,പ്ലസ് ടു,ഡിഗ്രി പരീക്ഷകളിൽ ഉന്നത വിജയം നേടിയ കുട്ടികളെ ആദരിക്കൽ ചടങ്ങും കളിക്കൽ പടി ലിജോ ആഡിറ്റോറിയത്തിൽ വെച്ച് നടത്തപ്പെട്ടു.  നഗരസഭ ആരോഗ്യകാര്യ സ്ഥിരം സമിതി അധ്യക്ഷൻ ജെറി അലക്സ്‌ അധ്യക്ഷതവഹിച്ചു. നഗരസഭാ ചെയർമാൻ അഡ്വക്കേറ്റ്. ടി. സക്കീർ ഹുസൈൻ ഉദ്ഘാടനം ചെയ്തു. ലഹരി ബോധവൽക്കരണ ക്ലാസ് എക്സൈസ് പ്രിവന്റ്റ്റീവ് ഓഫീസറും ജില്ലാ വിമുക്തി മെന്ററുമായ ശ്രീ. ബിനു. ബി വർഗീസ് . പഠനം എങ്ങനെ ആനന്ദകരമാക്കാം എന്ന വിഷയത്തെ ആസ്പദമാക്കി ശ്രീ കരുണാകരൻ പരുത്തിയാനിക്കൽ എന്നിവർ ക്ലാസ്സുകൾ എടുത്തു.

Also read: ഹരിത കർമസേനക്ക് പ്ലാസ്റ്റിക്ക് നൽകിയില്ലെന്ന് ചൂണ്ടിക്കാട്ടി അടച്ചിട്ടിരിക്കുന്ന വീടുകൾക്ക് ഉൾപ്പടെ പിഴ നോട്ടീസ് നൽകിയ നാരങ്ങാനം പഞ്ചായത്ത് അധികൃതരുടെ നടപടിയിൽ പ്രതിഷേധം

പതിനഞ്ചാം വാർഡ് കൗൺസിലർ ബിജിമോൾ മാത്യു, നഗരസഭ മുൻ വൈസ് ചെയർമാൻ പി. K. ജേക്കബ്,റിട്ടയേർഡ് എ. ഇ. ഒ അലക്സ് എം.എസ്, റിട്ടേഡ് ജോയിന്റ് ആർ.ടി.ഒ അജികുമാർ.ബി , സി.ഡി.എസ് മെമ്പർ സന്ധ്യാ പനയ്ക്കൽ, എ.ഡി.എസ് പ്രസിഡന്റ് ഉഷ ചന്ദ്രൻ, എ ഡി എസ്‌ വൈസ് പ്രസിഡന്റ് ബ്ലസി രാജു എന്നിവർ പ്രസംഗിച്ചു. അഹല്യ ഐ കെയർ ഹോസ്പിറ്റലിന്റെ സഹകരണത്തോടെ സൗജന്യ നേത്ര പരിശോധന ക്യാമ്പും സംഘടിപ്പിച്ചിരുന്നു.

Pathanamthitta