കോന്നിയില് ഗതാഗതക്കുരുക്ക് പരിഹരിക്കാന് സ്ഥാപിച്ച സിഗ്നല് സംവിധാനം അശാസ്ത്രീയമെന്ന് യാത്രക്കാര്
കോന്നി: നിരന്തരം അപകടങ്ങള് നടക്കുന്ന കോന്നി സെന്ട്രല് ജംഗ്ഷനില് ഗതാഗതക്കുരുക്ക് ഒഴിവാക്കാന് സ്ഥാപിച്ച സിഗ്നല് സംവിധാനം സര്വ്വത്ര അശാസ്ത്രീയത നിറഞ്ഞതെന്ന് യാത്രക്കാര്. ഏറെ പ്രതീക്ഷയോടെയാണ് കോന്നി ഗ്രാമപഞ്ചായത്ത് നടപ്പാക്കിയ ഈ പദ്ധതിയെ ജനങ്ങള് വരവേറ്റത്. എന്നാല് സിഗ്നല് ലൈറ്റുകള് പ്രവര്ത്തിക്കുന്നതിലുള്ള സമയക്കുറവ് കാരണം വലിയ ഗതാഗതക്കുരുക്കാണ് ഇപ്പോള് അനുഭവപ്പെടുന്നത്. മൂന്ന് സെക്കന്റ് സമയം മാത്രമാണ് വാഹനം കോന്നി സെന്ട്രല് ജംഗ്ഷന് കടന്നുപോകാന് സിഗ്നലില് നല്കിയിരിക്കുന്ന സമയം. എന്നാല് ഈ സമയത്തിനുള്ളില് രണ്ടോ മൂന്നോ വാഹനങ്ങള് കടന്നുപോകുമ്പോഴേക്കും അടുത്ത സിഗ്നല് ലൈറ്റ് തെളിയുകയും ഇത് ഗതാഗതക്കുരുക്കിന് കാരണമാവുകയും ചെയ്യും.
commuters-say-the-signal-system-installed-to-resolve-traffic-congestion-in-konni-is-unscientific
