ശബരിമലയില് മഴയും കോടമഞ്ഞും, വൈകിട്ട് തീര്ഥാടകരുടെ ഒഴുക്ക്
പത്തനംതിട്ട▪️ പമ്പയിലും സന്നിധാനത്തും മഴ തുടരുകയാണ്. മഴയ്ക്കൊപ്പം ഉച്ചകഴിഞ്ഞ് കോടമഞ്ഞുമുണ്ടായിരുന്നു.
രാവിലെ ആരംഭിച്ച മഴ ഉച്ചയോടെ ശമിച്ചെങ്കിലും ഉച്ചകഴിഞ്ഞ് വീണ്ടും ശക്തിപ്പെട്ടു. രാവിലെ തീര്ഥാടകരുടെ തിരക്കുണ്ടായില്ല.
എന്നാല് ഉച്ചകഴിഞ്ഞ് തിരക്ക് അനുഭവപ്പെട്ടു. ഞായറാഴ്ച വൈകിട്ട് അഞ്ചുവരെ 49280 പേര് ദര്ശനം നടത്തിയതായാണ് കണക്കുകള് സൂചിപ്പിക്കുന്നത്. വൈകിട്ട് അഞ്ചിനുശേഷവും തീര്ഥാടകരുടെ ഒഴുക്ക് തുടരുകയാണ്.
അതിശക്തമായ മഴയ്ക്ക് സാധ്യതയുള്ളതിനാല് കേന്ദ്രകാലാവസ്ഥ വകുപ്പ് പത്തനംതിട്ട ജില്ലയില് ഞായറാഴ്ച (ഡിസംബര് 1) ഓറഞ്ച് അലേര്ട്ട് പ്രഖ്യാപിച്ചു.
24 മണിക്കൂറില് 115.6 മുതല് 204.4 മില്ലീമീറ്റര് വരെ മഴ ലഭിക്കുന്ന സാഹചര്യത്തെയാണ് അതിശക്തമായ മഴയായി കണക്കാക്കുന്നത്. ശക്തമായ മഴയ്ക്ക് സാധ്യതയുള്ളതിനാല് തിങ്കളാഴ്ച(ഡിസംബര് 2) പത്തനംതിട്ട ജില്ലയില് യെല്ലൊ അലേര്ട്ടും പ്രഖ്യാപിച്ചിട്ടുണ്ട്
heavy rain
