സംസ്ഥാനത്തെ മികച്ച നഗരസഭാ ചെയർമാനുള്ള ഡോ. എപിജെ അബ്ദുൾകലാം
ജനമിത്ര പുരസ്കാരം പത്തനംതിട്ട നഗരസഭ ചെയർമാൻ അഡ്വ .സക്കീർ ഹുസൈന് ലഭിച്ചു.
തിരുവനന്തപുരം ശാസ്ത്ര സാങ്കേതിക മ്യൂസിയത്തിൽ നടന്ന ചടങ്ങിൽ
ബഹു. നിയമസഭാ സ്പീക്കർ എ എൻ ഷംസീർ പ്രശസ്തി പത്രവും
പ്രതിപക്ഷ നേതാവ് ശ്രീ.വി ഡി സതീശൻ മൊമൻ്റോയും കൈമാറി.
മുൻ മന്ത്രി എം വിജയകുമാർ ഉൾപ്പെടെ നിരവധി സാമൂഹ്യ സാംസ്കാരിക പ്രവർത്തകർ പങ്കെടുത്തു.
ജനപ്രതിനിധികൾ ഉൾപ്പെടെ മേഖലകളിൽ പ്രവർത്തനം കാഴ്ചവച്ച പ്രതിഭകൾക്കാണ്
പുരസ്കാരം നൽകുന്നത്. നഗര വികസനത്തിൽ വലിയ സംഭാവനകൾ നൽകിയാണ്
നിലവിലെ മുനിസിപ്പൽ ഭരണം മുന്നേറുന്നത്. ജനറൽ ആശുപത്രിയുടെ വികസനത്തിൽ
നടത്തിയ ഇടപെടലുകൾ, ശോച്യാവസ്ഥയുടെ പേരിൽ കുപ്രസിദ്ധി നേടിയ
നഗരസഭാ ബസ് സ്റ്റാൻഡ് നവീകരണം തുടങ്ങിയ അടിസ്ഥാന സൗകര്യമേഖലയിലെ
ഇടപെടലുകൾ കൂടാതെയാണ് സംസ്ഥാനം മുഴുവൻ ശ്രദ്ധ നേടിയ പത്തനംതിട്ട
അന്താരാഷ്ട്ര ചലച്ചിത്ര മേള ഉൾപ്പെടെയുള്ള സാംസ്കാരിക ഇടപെടലുകൾ.
ഭരണ പ്രതിപക്ഷ വ്യത്യാസമില്ലാതെ നാടിൻറെ പുരോഗതിക്കായി ഒന്നിച്ചുനിൽക്കുന്ന
കൗൺസിലിനുവേണ്ടിയാണ് പുരസ്കാരം ഏറ്റുവാങ്ങുന്നത്.
adv.sakkeer hussain
