അൾട്രാ വയലറ്റ് കിരണം ഏറ്റവും കൂടുതൽ കോന്നിയിൽ ..... ജാഗ്രത ....
മനുഷ്യശരീരത്തിന് ഏറെ ദോഷകരമായ അൾട്രാ വയലറ്റ് രശ്മിയുടെ തോത്
സംസ്ഥാനത്ത് ഏറ്റവും കൂടുതൽ രേഖപ്പെടുത്തിയത് കോന്നിയിൽ.
ദുരന്തനിവാരണ വകുപ്പിന്റെ കേരളത്തിലെ 14 ജില്ലകളുടെ കണക്കിലാണ്
കോന്നിയിൽ യുവി സൂചിക 10 എന്ന് രേപ്പെടുത്തിയത്.
തൊട്ടുപിന്നിൽ കൊട്ടാരക്കര, മൂന്നാർ,തൃത്താല,പൊന്നാനി എന്നിവിടങ്ങളാണ് .
കോന്നിയിൽ ആദ്യമായാണ് ഇത്രയും കൂടുതൽ രേഖപ്പെടുത്തുന്നത് .
അതീവ ജാഗ്രതാ നിർദ്ദേശങ്ങളാണ് ദൂരന്ത നിവാരണ വകുപ്പ് നൽകുന്നത്.
തുടർച്ചയായി കൂടുതൽ സമയം അൾട്രാ വയലറ്റ് രശ്മികൾ ശരീരത്തിൽ
ഏൽക്കുന്നത് സൂര്യാതപത്തിനും ,ത്വക്ക് രോഗങ്ങൾക്കും, നേത്രരോഗങ്ങൾക്കും
മറ്റ് ആരോഗ്യപ്രശ്നങ്ങൾക്കും കാരണമാകും .പൊതുജനങ്ങൾ സുരക്ഷ മുൻകരുതലുകൾ സ്വീകരിക്കണം.
പകൽ 10 മുതൽ 3 വരെയാണ് ഉയർന്ന അൾട്രാവയലെറ് സൂചിക രേഖപ്പെടുത്തുന്നത്.
ഈ സമയം കൂടുതൽ നേരം ശരീരത്തിൽ നേരിട്ട് സൂര്യപ്രകാശം ഏൽക്കുന്നത്
പരമാവധി ഒഴിവാക്കണം .പുറം ജോലികളിൽ ഏർപ്പെടുന്നവർ ,ബൈക്ക് യാത്രക്കാർ, വിനോദസഞ്ചാരികൾ,ചർമ്മരോഗമുള്ളവർ,നേത്രരോഗമുള്ളവർ,ക്യാൻസർ രോഗമുള്ളവർ ,
മറ്റ് രോഗപ്രതിരോധശേഷി കുറഞ്ഞവർ തുടങ്ങിയവർ പ്രത്യേകം ജാഗ്രത പാലിക്കണം .
പകൽ സമയത്ത് പുറത്തിറങ്ങുമ്പോൾ തൊപ്പി,കുട,സൺഗ്ലാസ് എന്നിവ ഉപയോഗിക്കുക .
ശരീരം മുഴുവൻ മറയുന്ന കോട്ടൺ വസ്ത്രങ്ങൾ ഉപയോഗിക്കുന്നതാവും ഉചിതം.
യാതകളിലും മറ്റും ഇടവേളകളിൽ തണലിൽ വിശ്രമിക്കാൻ ശ്രമിക്കുക.
ultra violet
