കുവൈത്ത് സിറ്റി: രാജ്യത്തെ ആക്രമണ സ്ഥലങ്ങളിൽ നിന്നുള്ള ചിത്രങ്ങളോ വീഡിയോകളോ യാതൊരു കാരണവശാലും പ്രചരിപ്പിക്കരുതെന്ന് പൗരന്മാർക്കും താമസക്കാർക്കും കുവൈത്ത് സായുധ സേനയുടെ കർശന നിർദ്ദേശം. ഇത്തരം ദൃശ്യങ്ങൾ കൈമാറുന്നത് പൊതു സുരക്ഷയെ ദോഷകരമായി ബാധിക്കുമെന്ന് സൈന്യം മുന്നറിയിപ്പ് നൽകി.
സോഷ്യൽ മീഡിയ വഴിയുള്ള കിംവദന്തികളിൽ വഞ്ചിതരാകരുതെന്നും സ്ഥിരീകരിക്കാത്ത അക്കൗണ്ടുകളിൽ നിന്നുള്ള വിവരങ്ങൾ കൈമാറരുതെന്നും അധികൃതർ ആവശ്യപ്പെട്ടു. കൃത്യമായ വിവരങ്ങൾക്കായി ഔദ്യോഗിക ഉറവിടങ്ങളെ മാത്രം ആശ്രയിക്കണം.ജനങ്ങളുടെ സുരക്ഷയ്ക്കാണ് തങ്ങൾ മുൻഗണന നൽകുന്നതെന്നും അതീവ ജാഗ്രതയോടെ സൈന്യം തങ്ങളുടെ ധർമ്മം നിർവഹിച്ചുവരികയാണെന്നും സായുധ സേന അറിയിച്ചു. രാജ്യത്തിന്റെ സുരക്ഷ കണക്കിലെടുത്ത് എല്ലാവരും സഹകരിക്കണമെന്നും ഔദ്യോഗിക പ്രസ്താവനയിൽ പറയുന്നു.
Kuwait
