ഡ്രോണ് ആക്രമണം പ്രതിരോധിക്കുന്നതിനിടെ അവിശിഷ്ടം പതിച്ച് സൗദി അറേബ്യയില് ഒരാള് കൊല്ലപ്പെട്ടു ; രണ്ടുപേരുടെ നില ഗുരുതരം
റിയാദ്: ഡ്രോണ് ആക്രമണം പ്രതിരോധിക്കുന്നതിനിടെ അവിശിഷ്ടം പതിച്ച് സൗദി അറേബ്യയില് ഒരാള് കൊല്ലപ്പെട്ടു. രണ്ട് പേര്ക്ക് ഗുരുതരമായി പരിക്കേറ്റിട്ടുണ്ട്. യെമന് പൗരനാണ് കൊല്ലപ്പെട്ടതെന്ന് സൗദിയുടെ ഔദ്യോഗിക മാധ്യമം സ്ഥിരീകരിച്ചു. ഒരു സൗദി വനിതയ്ക്കും പാകിസ്താന് സ്വദേശിക്കുമാണ് പരിക്കേറ്റത്.
സൗദിയിലെ തെക്കുപടിഞ്ഞാറന് ഗവര്ണറേറ്റിലെ ത്വയിഫ് മേഖലയിലാണ് ആക്രമണം നടന്നതെന്ന് സൗദി സിവില് ഡിഫന്സിനെ ഉദ്ധരിച്ച് മാധ്യമം റിപ്പോര്ട്ട് ചെയ്യുന്നു. ഇറാന് പിന്തുണയുള്ള യെമനിലെ ഹൂതി വിമതര് സൗദിക്ക് നേരെയുള്ള ആക്രമണം കടുപ്പിച്ചതിന് പിന്നാലെ ഈ മാസം റിപ്പോര്ട്ട് ചെയ്യുന്ന ആദ്യ മരണമാണിത്.
ത്വയിഫ് ഗവര്ണറേറ്റിലെ സിവില് ഡിഫന്സ് സംഘം ഹൂതി വിമതര് നടത്തിയ ഡ്രോണ് ആക്രമണത്തെ പ്രതിരോധിച്ച് നശിപ്പിക്കുന്നതിനിടയില് അവശിഷ്ടങ്ങള് പതിച്ചതിനെ തുടര്ന്ന് ഒരു യെമന് പൗരന് കൊല്ലപ്പെട്ടതായി സിവില് ഡിഫന്സ് ജനറല് ഡയറക്ടറേറ്റ് അറിയിച്ചു. ആക്രമണത്തില് ഒരു സൗദി വനിതയ്ക്കും പാകിസ്താന് പൗരനും പരിക്കേറ്റിട്ടുണ്ട്. ഇവരുടെ നില ഗുരുതരമായി തുടരുകയാണ്. ഇതിന് പുറമേ ജനവാസ മേഖലയിലെ കെട്ടിടങ്ങള്ക്കും വാഹനങ്ങള്ക്കും കേടുപാടുകള് സംഭവിച്ചിട്ടുണ്ട്’, സിവില് ഡിഫന്സ് ഡയറക്ടറേറ്റിനെ ഉദ്ധരിച്ച് സൗദി പ്രസ് ഏജന്സി റിപ്പോര്ട്ട് ചെയ്തു. സംഭവത്തില് അടിയന്തര നടപടികള് സ്വീകരിച്ച് വരികയാണെന്നും ഡയറക്ടറേറ്റ് വ്യക്തമാക്കിയിട്ടുണ്ട്.
One person was killed and two others are in critical condition in Saudi Arabia after debris fell while intercepting a drone attack
